Ризикот од добивање рак се менува со возраста, на штета на младите генерации. Нова студија покажала дека на младите, обично здрави возрасни лица се повеќе им се дијагностицира рак, а стапката станува алармантна.
Истражувачите од „Brigham and Women’s Hospital“ забележале дека на се повеќе и повеќе луѓе помлади од 50 години им се дијагностицира рак на дојка, дебелото црево, хранопроводот, бубрезите, црниот дроб, панкреасот и други видови на рак, и тоа на глобално ниво, како дел од трендот кој почна нагло да расте во деведесеттите години на минатиот век.
Ризикот се зголемува од генерација на генерација
„Според нашите податоци, постои нешто што се нарекува ефект на кохорт на раѓање. Овој ефект покажува дека секоја наредна група на луѓе родени подоцна (на пример, една деценија подоцна) има поголем ризик за развој на рак подоцна во животот, веројатно поради факторите на ризик на кои биле изложени во младоста“, рече д-р Шуџи Огино, професор по патологија, лекар научник, во соопштението за јавност.
Консумацијата на алкохол, пушењето, дебелината, консумацијата на високо преработена храна и недостатокот на сон се потенцијални фактори на ризик, од кои повеќето се во пораст ширум светот. „Меѓу 14-те растечки видови на рак што ги проучувавме, осум беа поврзани со дигестивниот систем. Храната што ја јадеме ги храни микроорганизмите во нашите црева“, изјавија истражувачите
„Откривме дека овој ризик се зголемува со секоја генерација“, продолжи Огино. „На пример, луѓето родени во шеесеттите години доживеале поголем ризик од рак пред 50-тата година за разлика од луѓето родени во педесеттите години и предвидуваме дека ова ниво на ризик ќе продолжи да се зголемува во следните генерации.“
Ракот е генетско заболување – тој е предизвикан од промени во гените што доведуваат до погрешна делба на клетките, што доведува до формирање на тумори. Некои од овие генетски промени се наследни, но новата студија, објавена во списанието „Nature Reviews Clinical Oncology“, се фокусираше на факторите на животната средина кои предизвикуваат оштетување на ДНК и придонесуваат за раст на ракот.
Токсините кои предизвикуваат рак можеби се пораспространети отколку што веруваат луѓето
Постојат неколку добро познати ризици ширум светот, како што се високата изложеност на УВ зрачење или пушењето цигари, а новите истражувања сега укажуваат на пасивното, па дури и пушење од трета рака – како допирање на површини загадени со остатоци од чад – како значајни канцерогени извори.
Гледајќи ја инциденцата на 14 видови на рак, Огино, заедно со водечкиот автор на студијата, д-р Томотака Угаи и остатокот од тимот, откриле зголемен тренд на присуство и дијагноза на рак пред 50-тата година од животот.
Западњачки стил на живот
Штетната изложеност на млада возраст, која може да укажува на проблематична исхрана, начин на живот и загадување на животната средина, може да игра клучна улога. Бидејќи овие фактори драматично се променија во текот на изминатите неколку децении, научниците сугерираат дека западниот начин на живот може да биде главен придонесувач за развојот на ракот.
Консумацијата на алкохол, пушењето, дебелината, консумацијата на високо преработена храна и недостатокот на сон се потенцијални фактори на ризик, од кои повеќето се во пораст ширум светот. „Меѓу 14-те растечки видови на рак што ги проучувавме, осум беа поврзани со дигестивниот систем. Храната што ја јадеме ги храни микроорганизмите во нашите црева“, рече Угаи. „Исхраната директно влијае на составот на микробиомот и на крајот овие промени можат да влијаат на ризикот од болести и различни исходи.“
