Во светот на современото родителство, многу родители сè повеќе избегнуваат да им кажат „не“ на своите деца, честопати со желба да бидат услужливи, емпатични и поддржувачки. Но, токму избегнувањето на тој едноставен збор може да направи повеќе штета отколку корист. Според психологот, Џејми Блох, на децата не им требаат само охрабрување и пофалби – тие исто така имаат потреба од јасни граници. А првиот чекор кон тоа често започнува со тој мал, но важен збор.
Се работи, секако, за зборот „не“ – кој Блох го нарекува клучен за емоционалниот развој на децата и чувството на сигурност. „Избегнувањето на зборот „не“ може да доведе до збунетост и несигурност. Кога сè е „можеби“ или „ќе видиме“, децата се прашуваат: „Дали сум безбедна?“, „Каде се моите граници?“ и „Кој е води тука?““, објаснува таа. Наместо тоа, смирено и нежно изговорено „не“ носи важна порака: „Тука сум и те чувам“.
Блох нагласува дека не секоја забрана значи отфрлање – тоа е момент во кој децата учат да чекаат, да се справуваат со разочарувањето и да управуваат со големите емоции. „Емпатијата и границите развиваат емоционална сигурност и здрави односи“, вели таа.
Вистинската магија на родителството, вели таа, лежи во наоѓањето рамнотежа. На децата не им треба родител кој секогаш ќе им угодува, туку возрасен кој знае како да каже: „Оваа граница постои затоа што ми е грижа за тебе“. Тука се создава безбедна средина во која детето може да напредува.
„На децата не им требаат само пофалби – им требаат и граници. Кажувањето „не“ не ве прави груби, нељубезни или авторитарни – ве прави безбедно пристаниште и смирен, цврст лидер. Значи, не, вие не сте „строг родител“ затоа што вие поставувате граници. Вие сте лидер, и токму тоа е она што на вашето дете му треба најмногу“, заклучува Блох.
