Родителите доживуваат стрес по шест пати на ден поради своите деца, покажало неодамнешно истражување спроведено во Велика Британија. Најголем стрес им предизвикува праќањето на децата на спиење, неделното купување намирници со деца и заедничкиот ручек. Родителите истакнале дека високо ниво на стрес им создава и постојаната грижа околу тоа дали детето ќе ја напише доамшната и ќе научи сè за училиште, како и бањањето пред спиење.
Високо на листата стресори е и чувството дека често мораат да трчаат дома од работа за да бидат со децата, смислувањето мени за јадење и грижата околу правилната исхрана. Родителите кои учествувале во истражувањето рекле дека децата на возраст од пет години ги сметаат за најбарани.
„Да ја работиш својата работа одговорно и истовремено да се грижиш за децата понекогаш изгледа невозможно, па дури и наједноставните задачи околу децата можат да изгледаат нерешливи“, велат родителите.
Ги излудува и кога децата тајно јадат слатки пред оброк, цртаат по ѕидовите и теписите или одбиваат да се облечат кога треба да излезат. Како силни активатори на стрес се издвојуваат и детските нестапштини како влегување во машината за садови, криење во корпата за валкана облека или создавање неред во продавница или ресторан.
Родителите додаваат дека, во споредба со порано, им треба двојно повеќе време за да излезат од дома – дури 12 минути повеќе отколку пред да имаат деца. За купување намирници со деца им треба 14 минути повеќе, за утринско облекување трошат 11 минути повеќе од порано, а заедничкиот појадок трае 12 минути подолго.
Родителите сметаат дека дури 40 минути дневно сериозно се грижат за своите деца и нивното однесување, а во просек осум дена месечно чувствуваат дека им е потребен одмор или време што би го поминале сами со себе.
