Првата празнична, предновогодишна манифестација, позната како адвентска манифестација се одржала во Виена во далечната 1298 година. Оттогаш до денес, оваа празнична традиција се проширила низ целиот свет, па не зачудува што не е лесно да се состави кратка листа на дестинации каде се случува најимпресивниот Адвент. Новинарите на Си-Ен-Ен успеаа да го стеснат изборот на неколку локации, а ние ви пренесуваме кои се најубавите оваа година.
ВИЕНА, АВСТРИЈА
“Wiener Christkindlmarkt“ трае веќе од 10 ноември до 26 декември. Иако во главниот град на Австрија има околу 20 божиќни пазари, Wiener Christkindlmarkt или Rathausplatz е еден од најстарите и најтрадиционалните настани. Се одржува пред Градското собрание, а вклучува и детско лизгалиште од 150 квадратни метри и има многу штандови кои нудат вкусни задоволства како што се австриски колбаси и колачиња од ѓумбир.
СТРАЗБУР, ФРАНЦИЈА
Еден од најстарите божикни саеми во Европа, Стразбур, првпат бил одржан во 1570 година, но оттогаш значително се развил. Распослан на повеќе од 10 локации, вклучително и на дел од Светското наследство на УНЕСКО Гранде Ил, го осветлува градот со илјадници трепкачки божикни светилки и празнични украси. Се одржува од 24 ноември до 24 декември.
БРИСЕЛ, БЕЛГИЈА
Еден од најголемите и најпопуларните настани во Белгија се протега низ Бурс, Плас де ла Моне, Гранд Плас, Плоштадот Сент Кетрин и Марке ау Поасон. Светлосно и звучно шоу, лизгање на мраз и возење низ панаѓурот се дел од активностите во кои можете да уживате со најмладите, а ве очекуваат и повеќе од 200 куќички со празнични деликатеси. Се одржува од 24 ноември до 31 декември.
ПРАГА, ЧЕШКА
Магијата на празниците ве очекува на секој агол, но главните настани се случуваат на Староградскиот и плоштадот Вацлав. За среќа, овие места се на само неколку минути пешачење едно од друго, па можете лесно да ги посетите и двете во еден ден. Староградскиот плоштад нуди бескрајна забава во форма на претстави во живо, танцови перформанси и креативни работилници, додека Вацлав плоштадот е одлична локација за купување рачно изработени подароци и локални деликатеси како што се чешки колбаси. Настанот се одржува од 2 декември до 6 јануари.
БАЗЕЛ, ШВАЈЦАРИЈА
Божикниот саем во Базел се одржува од 23 ноември до 23 декември и е најголемиот и несомнено најдобриот во Швајцарија. Се одржува на две локации, Барфусерплац и Мунстерплац, и се состои од околу 150 чудесно украсени тезги на кои се продаваат божикни зачини, украси и свеќи. Атракциите за најмалите вклучуваат божиќна самовилска шума на Мунстерплац со активности како што се украсување медењаци и свеќи, работилница за ѕвезди и возење со празничен воз.
ФИРЕНЦА, ИТАЛИЈА
Има многу што да се види на овој волшебен настан, но најмагичен е погледот на осветлената базиликата Санта Кроче. Оние кои ќе се прошетаат до блискиот Пјаца дел Дуомо, ќе бидат воодушевени од величествената сцена на Христовото раѓање, како и од импресивната новогодишна елка која ќе биде осветлена на 8 декември. Манифестацијата се одржува од 18 ноември до 17 декември.
БУДИМПЕШТА, УНГАРИЈА
Будимпешта има два главни саеми – божикниот саем кај базиликата Свети Стефан и божикниот базар на плоштадот Воросмарти. На првиот, луѓето се собираат за да ги гледаат 3Д светлосните шоуа кои се проектираат на фасадата на базиликата. Има и 150 тезги со слатки, уметнички ракотворби и занаети. Саемот на плоштадот Воросмарти се наоѓа во срцето на градот и привлекува над 800.000 посетители годишно. Неговата најголема атракција е огромниот адвентски календар, кој открива нов прозорец секој ден од 1 до 23 декември. Адвентот ќе биде отворен од 17 ноември до 1 јануари.
