Без разлика дали се работи за неодложна обврска, неочекуван деловен состанок или договор за чување деца што пропаднал, веројатно ќе има моменти кога секој родител ќе треба да го остави своето дете само дома. Разбирливо е дека родителите се загрижени кога за прв пат ги оставаат децата без надзор, но со добро планирање, останувањето дома може да биде позитивно искуство за детето, давајќи му чувство на самодоверба и независност.
Но, кога е вистинско време детето да остане само дома? Очигледно, петгодишно дете не може да биде само, но повеќето 16-годишници можат. Како што објаснуваат психолозите, може да биде тешко да се знае со сигурност кога децата се подготвени да се справат да бидат сами дома.
Важно е да се земе предвид како детето се справува со различни ситуации. На пример, дали детето е одговорно кога станува збор за пишување домашни задачи и извршување на домашните работи, како се справува со неочекувани ситуации, дали е мирно кога работите не одат според планот и дали ги разбира односно дали ги почитува правилата
Во повеќето случаи, се работи за проценка на родителите. Генерално, психолозите советуваат дека не е добра идеја децата помлади од 10 години да се оставаат сами дома. Секое дете е различно, но на таа возраст на повеќето деца им недостасува потребната зрелост, како и вештини за реагирање во итни случаи.
Важно е да се земе предвид како детето се справува со различни ситуации. На пример, дали детето е одговорно кога станува збор за пишување домашни задачи и извршување на домашните работи, како се справува со неочекувани ситуации, дали е мирно кога работите не одат според планот и дали ги разбира односно дали ги почитува правилата. Исто така, јасно е дека родителите не треба да го оставаат детето само дома ако е плашливо.
Од друга страна, ако детето е одговорно, не се плаши да биде само и е доволно возрасно да процени дали нешто е безбедно или не е за него, многу веројатно е можно да остане само дома. Дури и кога родителите се уверени во зрелоста на своето дете, паметно е неколку пати да го остават само дома на кратко време за да може детето што подобро да се подготви, но и за родителите да бидат што е можно посигурни дека се ќе биде во ред со нивното дете.
