Се обидувате да забремените? Ова се најчестите грешки при зачнувањето

Сте ги одредиле своите плодни денови, внимавате на положбата која наводно некој ви кажал дека е најдобра за зачнување? Но, и покрај редовниот сексуален однос, до бременост никако не доаѓа. Ако се обидувате да забремените, можеби проблемот е во овие причини.

НЕ ЗНАЕТЕ КОГА ИМАТЕ ОВУЛАЦИЈА

“Многу жени сметаат дека овулираат 14. ден по првиот ден од менструацијата, но должината на циклусот може да варира и до овулација не доаѓа секој месец во исто време“, вели д-р Мишел Сејбел, професор по гинекологија и акушерство на Универзитетот Масечусетс.

Тој вели дека 70% од жените не можат точно да го предвидат денот на овулација, оти немаат правилни циклуси, па може да се препорача одредување овулација со мерење на базална температура или со домашен тест на урина, и на тој начин да се планираат односите.

НЕДОВОЛНО/ПРЕМНОГУ СЕКС

Паровите често сметаат дека мораат да ја “чуваат спермата“, па во сексуални односи се впуштаат само за време на плодните денови.

“Кога односот ќе се ограничи само на деновите на овулација, можно е да се пропушти плоден период, оти многу жени всушност и не знаат кога точно имаат овулација“, вели д-р Самуел Вуд, раководител на Ценатрот за репродуктивно здравје во Калифорнија.

Според експертите, ако парот сака активно да работи на бременост, препорачливо е да имаат односи еднаш до два пати во текот на два дена, значи секој ден или барем секој втор ден. Но, не е препорачливо да се има односи повеќе од еднаш дневно, оти се намалува концентрацијата на квалитетот на семената течност.

ПРОБЛЕМОТ МОЖЕ ДА Е ВО ЖЕНАТА, НО И ВО МАЖОТ

Ако парот има потешкотии со зачнувањето, повеќето претпоставуваат дека физичкиот проблем е во жената, а на мажите им е потешко да прифатат дека нешто не е во ред со нив.

“Паровите треба од почетокот да се свесни дека проблемот може да биде во жената, мажот, кај двајцата или се работи за необјаснива неплодност. Околу половина од случаевите на неплодност се поврзуваат со жената, 40% со мажот, додека останатите 10% се однесуваат на двајцата или на никого“, вели д-р Серена Чен од Медициснкиот центар во Пенсилванија.