Новиот сој на коронавирус кој е откриен во ноември – B.1.1.529 досега е забележан само кај десет пациенти. Сепак, експертите се плашат од фактот дека содржи дури 32 мутации.
Проф. Франсоа Балу, директор на Институтот за генетика на Универзитетот во Лондон, рече дека големиот број мутации во овој сој очигледно се акумулирале во „еден налет“, што сугерира дека вирусот еволуирал за време на хронична инфекција кај лица со ослабен имунолошки систем, веројатно нелекуван пациент со ХИВ
Овој сој првпат беше откриен во Боцвана, каде досега се откриени три случаи. Уште шест беа потврдени во Јужна Африка и еден во Хонг Конг, кај патник кој се враќал од Јужна Африка.
Иако досега има само 10 потврдени случаи, научниците се загрижени бидејќи новиот сој на коронавирус носи „исклучително голем број“ мутации, поради што може да предизвика нови бранови на болеста, пишува „Гардијан“.
Имено, B.1.1.529 има 32 мутации во шилестиот протеин, кој повеќето вакцини го користат за поттикнување на имунолошкиот систем против ковид.
Овие мутации би можеле да ја зголемат способноста на вирусот да се шири, како и да им отежнат на имуните клетки да го препознаат и да го „нападнат“.
Рави Гупта, професор по клиничка микробиологија на Кембриџ, вели дека открил дека две мутации во B.1.1.529 ја зголемиле инфективноста и го намалиле препознавањето на антителата.
„Ваквите мутации секако се причина за загриженост“, рече тој. „Сепак, клучното својство на вирусот што е непознато е неговата заразност“.
Проф. Франсоа Балу, директор на Институтот за генетика на Универзитетот во Лондон, рече дека големиот број мутации во овој сој очигледно се акумулирале во „еден налет“, што сугерира дека вирусот еволуирал за време на хронична инфекција кај лица со ослабен имунолошки систем, веројатно нелекуван пациент со ХИВ.
„Во оваа фаза е тешко да се предвиди колку може да биде пренослив овој сој. Засега треба внимателно да се следи и анализира, но нема причина за претерана загриженост освен ако не почне да расте во блиска иднина“, рече Балу.
