Само неколку часа по официјалното отворање на Центарот за мајка и бебе во клиниката „Жан Митрев“ се роди првото бебе! Огнен, првото новороденче дојде на свет денеска во раните утрински часови, а за неговото раѓање беше задолжена дежурната екипа предводена од д-р Владимир Кижески. Огнен е роден спонтано со телесна тежина 3460 г и должина 50 см.
Родилиштето и одделот за гинекологија во клиничката болница Жан Митрев, беше отворенo вчера и овозможува мултидисциплинарен пристап во следење на мајката пред бременоста, за време и во постпородилна фаза. Центарот располага со најсовремена опрема од врвни светски производители и искусен медицински персонал, каде се сместени две родилни сали, соби за будење, операциона сала, шест инкубатори и четири соби апартмани, неонатолошка, гинеколошка ординација и ординација за прегледи.
По повод започнувањето со работа на центарот, креирани се специјални пакети со голем број поволности и попусти а се транспарентни без дополнителни или скриени трошоци, за спонтано породување цената е 95.000 денари а за породување со царски рез, 130.000 денари.
Клиниката „Жан Митрев“ соработува со сите приватни здравствени осигурителни компании за што има транспарента понуда со промотивни цени кои се без скриени дополнителни трошоци. Дел од поволностите се бесплатни акушерски прегледи по 36 недела како и бесплатни педијатриски прегледи на новороденото во првиот месец. Брзо и безболно породување. Целосна грижа за новороденото од страна на неонатолошки тим, 24 часовна достапност за консултација со неонатолошкиот тим и специјални бенефиции и попусти за новороденчето и семејството.
