Резултатите од онлајн анкетата спроведена во САД покажале дека секое дванаесетто дете во САД може да има алергија на храна. Исто така, се покажало дека повеќе од една третина од децата со алергија на храна имале тешка форма на алергија.
Така, осум проценти од децата имале дијагностицирана алергија на храна или симптоми кои укажуваат на алергија. Децата најчесто биле алергични на кикирики, млеко и школки.
Она што е интересно не било само колку деца имаат алергии на храна, туку колку се тешки овие алергии, дали предизвикуваат опструкција на дишните патишта или пад на крвниот притисок. Така, откриено е дека две од пет деца кои имале алергија на храна биле животозагрозени поради тешка алергиска реакција.
Тешките алергиски реакции биле почести кај постарите деца, веројатно затоа што на помладите деца сепак родителите повеќе внимаваат и со тоа тие тешко доаѓаат во контакт со потенцијални алергени.
Извор: Pediatrics
