Пациентите кои земаат одредени лекови и страдаат од некои хронични заболувања, задолжително треба да се консултираат со нивниот лекар пред да се пријават за имунизација против COVID-19. Со исто внимание треба да пристапат и оние кои имаат одредени алергиски реакции
Земањето лекови кои го намалуваат имунолошкиот одговор (имуносупресивни лекови, хемотерапија или некои видови на биолошка терапија) или спроведување на некои други терапевтски процедури (на пр. зрачење) може да го намали дејството на вакцината против COVID-19, вели за „Б92“ проф. д-р Душан Попадиќ, српски имунолог.
„Имунизацијата кај овие лица не е ништо поризична, но користа од вакцината кај нив може да биде намалена. Пациентите кои земаат лекови препишани од специјалисти, а за кои е познато дека го намалуваат имунолошкиот одговор, во договор со нивниот лекар треба да ја синхронизираат имунизацијата со медикаментозната и радиотерапијата, за да имаат максимална корист од имунизацијата“.
Во контекст на тоа, зголемена телесна температура може да се појави кај оние кои одат на хемотерапија, зрачење или имаат некои автоимуни заболувања, па се поставува прашањето дали треба да се вакцинира некој со покачена температура и што со оние кои се во некоја акутна состојба?
Пациентите кои земаат лекови препишани од специјалисти, а за кои е познато дека го намалуваат имунолошкиот одговор, во договор со нивниот лекар треба да ја синхронизираат имунизацијата со медикаментозната и радиотерапијата, за да имаат максимална корист од имунизацијата
„Постојат различни акутни состојби во медицината, па затоа е тешко да се даде одговор на ова прашање. Секако, покачената телесна температура (> 38° C) е контраиндикација за имунизација, која во тој случај се одложува се до санирање на причината. Покрај тоа, пациентите кои прележале COVID-19 се вакцинираат еден месец по повлекувањето на клиничките знаци и симптоми на акутната болест. Превладува ставот дека луѓето кои неодамна се имунизирале, на пр. со вакцина против грип, треба да ја одложат имунизацијата против COVID-19 за еден месец“, објаснува професорот на Медицинскиот факултет во Белград.
Пациентите кои прележале COVID-19 се вакцинираат еден месец по повлекувањето на клиничките знаци и симптоми на акутната болест
Оние кои се алергични, не треба да се грижат премногу затоа што, како што вели професорот, единствената алергија што е контраиндикација за имунизација со одредена вакцина е претходно докажана алергија на таа вакцина.
„Бидејќи моментално достапните вакцини се употребуваат првпат, речиси никој во нашата земја немаше можност да стане алергичен. Ќе можеме да ја разгледаме зачестеноста на алергиските реакции дури откако доволен број на луѓе ќе ја примат втората доза на вакцината. Доколку се докаже алергија кај некој по првата доза на вакцина што ја примил, ќе може да се вакцинира со вакцина од друг производител. Сите други алергии, како што се оние на грини, животински влакна, полен и сл., не се контраиндикација за имунизација со која било од достапните вакцини“.
Според проф. д-р Попадиќ, доколку се појави алергиска реакција на вакцината, на пациентот му се даваат лекови кои вообичаено им се даваат на пациентите за третман на алергии, на прво место – антихистаминици и глукокортикоиди, пишува „Б92“.
