Речиси на секој родител, порано или подоцна, детето му рекло дека не го сака, во моменти на лутина или фрустрација. Иако ова не е воопшто пријатно да се слушне за ниту еден родител, психологот Наташа Бек објаснува дека тоа всушност не мора ништо да значи, а особено не дека вашето дете навистина не ве сака.
„Кога вашето дете вели дека не ве сака, најважно е да не го сфаќате тоа лично. Имено, тоа е негов начин да ги регулира своите емоции и да ви даде до знаење дека е вознемирено, луто или фрустрирано поради нешто“, објаснува Бек, кој сподели неколку совети за тоа што може родителот да направи или да му каже на своето дете ако некогаш му рече дека не го сака.
Некои деца ќе сакаат да бидат гушкани после кавга, а некои не. Никогаш ни случајно немојте да го казнувате вашето дете кога се обидува да ги регулира своите емоции, немојте да викате, ниту да употребувате физичко казнување ако ви каже дека не ве сака. Обидете се да се контролирате и да му помогнете да ја надмине фрустрацијата што ја чувствува
„Најважно е да му признаете на детето дека е вознемирено. Не ги игнорирајте неговите чувства бидејќи тие се валидни. Исто така, дајте им до знаење дека ги сакате и дека секогаш ќе ги сакате. Ваша задача како родител е да се погрижите да бидат сигурни, здрави и љубезни луѓе, а тоа ќе го постигнете само ако им покажете сочувство и разбирање“, објаснува психологот.
Исто така, немојте да ја игнорирајте фрустрацијата на вашето дете, туку дозволете му да се справи со неа најдобро што знае. Според Бек, во ред е вашето дете да биде фрустрирано бидејќи на тој начин учи како да се справува со своите емоции, особено кога вие не сте во негова близина и не можете да го заштитите. И на крај, но не и најмалку важно, психологот посочува дека треба да му покажете нежност на вашето дете.
„Некои деца ќе сакаат да бидат гушкани после кавга, а некои не. Никогаш ни случајно немојте да го казнувате вашето дете кога се обидува да ги регулира своите емоции, немојте да викате, ниту да употребувате физичко казнување ако ви каже дека не ве сака. Обидете се да се контролирате и да му помогнете да ја надмине фрустрацијата што ја чувствува“.
