Промената од млечни во трајни заби започнува на возраст од пет до седум години и трае до околу 12 или 13 години. Најчесто млечните заби почнуваат спонтано да се нишаат и сами да паѓаат, но во некои случаи потребно е да извадат млечните заби дури и ако не нишаат, за да се развијат правилно трајните заби и да се спречат проблеми со загризот.
Еве кога треба да обрнете внимание на менувањето на млечните заби.
- Одложено менување на млечните заби
Менувањето на млечните заби обично започнува на возраст од пет до седум години и продолжува до 12-13 години.
Во ситуации кога нов заб почнува да никнува од под млечниот заб, тоа може да доведе до неправилна положба на трајниот заб. Доколку рендгенот покаже дека трајниот заб е подготвен за избивање, а млечниот заб се уште е цврсто сместен во непцата, неговото отстранување т.е. вадење може да му помогне на трајниот заб да ја заземе правилната положба.
- Воспаление или непријатност
Доколку доцнењето во паѓањето на млечниот заб е придружено со воспаление на непцата, болка или други непријатни сензации, тоа може да биде причина за негово вадење, но секако, за тоа секогаш одлучува стоматолог.
- Збиеност на забите
Ако млечниот заб го попречува правилното никнување на соседните трајни заби, неговото отстранување може да спречи проблеми со загризот.
- Траума или повреда
Ако млечниот заб е оштетен (на пример, поради повреда) и не може да се врати во претходна состојба, можеби ќе треба да се отстрани.
- Што ако млечниот заб се ниша, но не паѓа?
Кога млечниот заб ќе почне да се ниша, обично му треба малку време за сам да испадне. Меѓутоа, ако трае предолго, добро е педијатриски стоматолог да ја процени ситуацијата, можеби да направи рендген и да утврди дали почнал да никнува нов заб.
Експертите нагласуваат дека е многу важно да се одржува оралната хигиена за да останат здрави млечните заби додека природно не се заменат со трајни заби. Тие предупредуваат дека многу луѓе не се грижат за здравјето на млечните заби затоа што мислат дека сепак ќе испаднат, но дека апсолутно не треба да размислувате така.
Дополнително, препорачливо е да не се обидувате сами да го извадите забот, дури и ако е многу разнишан, бидејќи тоа може да доведе до повреда на непцата, инфекција или оштетување на коренот на трајниот заб.
