Прв чекор е да научите да го препознаете длабокиот сон на новороденчето. Кога тврдо спие, неговото тело е опуштено и олабавено, а дишењето мирно и длабоко. Тогаш лесно може да го спуштите во креветче.
За новороденчето побрзо да заспие и да спие со квалитетен сон, држете го во непосредна близина. Мирна, оддалечена соба за него е непозната, и тоа е место во кое е само и не ги слуша отчукувањата на срцето на мајката и сите останати звуци кои ги слишало додека било во матката. Поради тоа, тој непознат “празен“ простор, едноставно го преплашува. Не инсистиријате новороденчето да спие во своето креветче ако таму не му е удобно. За стекнување на навики имате доволно време.
Обидете се да го успивате детето со гласно „шшшш„. Со таквиот звук ги имитирате звуците во мајчината утроба, што може побрзо да го смири.
Пред спиење, новороденчето доите го на поголем кревет, за да кога ќе заспие и ја испушти брадавицата, можете непречено да станете или да го преместите во креветчето.
Ако испушта звуци во сон, тоа не значи дека во истиот момент ќе се разбуди, затоа не го дигајте. Во повеќето случаи, причина е сонувањето и во таа фаза може да биде многу немирно.
Одморајте заедно со детето. Легнете на грб, а новороденчето ставете го на стомак во стабилна положба и покријте го. Поради безбедност, страните може да ги обезбедите со перници. Искористете ги таквите моменти за сопствен одмор.
