Пубертетот е бурен и важен период во развојот на децата. Затоа треба да се има предвид дека децата во текот на овој период се соочуваат со голема криза.
“Пред се, доаѓа до големи физички и физиолошки промени, во делот на промена на изгледот на телото, како и воспоставување на нов баланс на хормоните во телото“, велат педијатрите.
Стануваат некако поинакви сами на себе, и често поради тоа се целосно збунети и исплашени. Затоа, задача на родителите е да се обидат на суптилен начин да ги подготват децата за промените кои следат. Децата може да се чувствуваат засрамено поради физичките промени што им се случуваат и треба да се уверат дека не се единствени на кои тоа им се случува и дека тоа не е ништо страшно. Девојчињата поинаку го почнуваат и го доживуваат пубертетот, во споредба со момчињата, па затоа и се смета дека пристапот со едниот и другиот пол треба да биде поинаков од страна на родителот.
Почеток
Штом наполнат осум години, хипоталамусот почнува да испушта хормон гонадотрофин (GnRH), кој е тригер за производство на други два хормона: лутеин (LH) и фоликулостимулирачки хормон (FSH) кои ги стимулираат јајчниците и произведуваат прогестерон и естроген.
Глас
Како и кај момчињата и во телото на девојчињата се произведува тестостерон, но во помала количина. Токму овој хормон е делува на гласните жици и гласот станува помек.
Облини
Девојчињата сега почнуваат да добиваат облини на жена. Поради присуството на естроген се создава масно ткиво на бутовите, задникот и стомакот. На овие места маснотиите се депонираат во склад со биотипот на секое девојче.
Менструален циклус
За време на првите години од менструалниот период не е постигната целосно зрелост на хипоталамусот-хипофизата-јајчниците, и затоа циклусите може да бидат нередовни. Девојчињата може да имаат циклуси со различна фреквенција и обем, а понекогаш и без овулација.
Акни
За ова е заслужен тестостеронот. Постојат два принципа за стимулирање на лојните жлезди, кои лачат природна маснотија на кожата. Овој себум се собира во порите и со нив се хранат бактерии кои предизвикуваат воспаление со гној.
Кожа
Кога тестостеронот кој го ослободуваат надбубрежните жлезди и јајчниците ќе влезе во крвта, почнуваат да растат првите влакненца на нозете и во интимниот дел.
Гради
Прв знак не е менструалниот циклус, туку тоа што градите почнуваат да личат на пупки бидејќи доаѓа до подигање на ареолата и брадавиците. Естрогенот управува со овие промени кои секогаш се случуваат во одредено време и на одреден начин – помеѓу 8 и 10 години.
Нови мириси
Половите хормони ги активираат потните жлезди кои во овој период почнуваат да работат засилено, што за последица има обилно потење. А, со оглед дека течноста е совршено мести за размножување на бактерии, доаѓа до нивно ширење под пазувите и на стапалата, па се јавуваат непријатни мириси на овие места.
Раст
За време на детството, девојчињата растат пет до седум сантиметри годишно. Пред правата менструација, оваа бројка се зголемува на 12 сантиметри. Потоа, брзината се намалува.
