Кога во исхраната на бебето ќе се воведат повеќе намирници, потребно е трпение, волја и имагинација за да се осмисли неговиот ручек, но и целото мени за тековниот ден. Мултимикс начинот на комбинирање на намирниците претставува посебен принцип со кој одредени намирници се надополнуваат за да се подготви најквалитетен оброк.
Ова се основите на овој принцип кој подразбира комбинирање на две, три или четири различни намирници.
- Јаглехидратите се основни и мораат да бидат вклучени во сите миксови
- Во секој микс мора да постои барем еден извор на јаглехидрати, од животинско или растително потекло.
- Зеленчукот се додава во миксот дури откако ќе се искомбинираат јаглехидратите и протеините.
Овој принцип се дели на три одделни категории. Секоја категорија се нарекува МИКС оти содржи мешавина на две или повеќе групи на намирници.
- МИКС 1 – Помалку квалитетен спој на два вида намирници и тоа житарки или компир и храна од животинско потекло
- МИКС 2 – Оброк составен од три вида намирници и тоа: житарки или компир, темнозелен или портокалов зеленчук и храна од животинско потекло или јаглехидрати од растително потекло.
- МИКС 3 – Претставува најквалитетна комбинација на 4 намирници кои спаѓаат во следниве групи: житраки или компир, темнозелен зеленчук, портокалово овошје и храна од животинско потекло (месо, јајца, риба или јаглехидрати од растително потекло).
