Сигурно веќе сте слушнале и користеле “бела бучава односно “white noise“ за смирување и успивање на вашето бебе. Станува збор за смирувачки, едноличен звук кој ги елиминира сите други звуци и така помага да заспиете. Оваа популарна метода на родителите за успивање на малите бебиња, сега добила наследник т.н. “розова бучава“.
Елизабет Пентли, советничка за родителство ја објаснува магијата зад „бучавата“ што ги смирува и заспива бебињата, но и разликата помеѓу „белиот шум“ и „розовиот шум“.
Што е “розова бучава“?
„Белиот шум“ е нејасен шум во позадина, како што се звук на беспилотни летала, брмчењето на моторие или тивкото шепотење на група луѓе – тоа е бучава што содржи мешавина од сите подеднакво распределени звучни фреквенции. Тие создаваат необичен шум кој служи за блокирање или неутрализирање на несакани звуци во позадина. Тоа е звук на кој не се фокусираме, но ги покрива сите други звуци во собата.
Од друга страна, „розовиот шум“ е варијанта на „белиот шум“ кој произведува длабоки, богати и монотони звуци. Совршени примери на „розова бучава“ се звуците на отчукувањата на срцето, звуците на морските бранови, чукањето на капките дожд или шушкањето на лисјата на дрвјата.
Заради сите овие разлики, Пентли истакнува дека „розовиот шум“ е понежен за ушите и подобра опција да помогне при смирување и заспивање на бебето.
Дали е безбедно да се користи “бучава” кога бебето спие?
Да, белата / розовата бучава се безбедни за бебето ако земете предвид неколку работи. Прво, се внимава на јачината на звукот. Идеалниот волумен е приближно еднаков на звукот на вода под туш. Се што е погласно од тоа може да му штети на чувствителниот слух на новороденчето. Ставете ја главата на местото каде спие бебето за да проверте дали јачината на звукот е пријатна.
Друга важна работа е да се постави изворот на бучава на безбедно растојание од бебето што треба да биде оддалечен неколку чекори од бебето, на пример, поставено на ноќна маса или комода сместена спроти креветчето каде што спие бебето.
Важно е да се избере бучава во која ќе уживаат и бебето и родителите. Можеби најпопуларниот „шум“ е звукот на океанот и морските бранови или звуците на дождот.
