Во напорите да изгледаат попривлечно, мажите може да ја загрозат способноста да имаат деца, покажува едно истражување.
Според д-р Џејмс Мосман, професор на Универзитетот Браун во САД, големо влијание на плодноста кај мажите имаат стероидите, таблетите за опуштање, како и оние медикаменти кои ја намалуваат ќелавоста.
“Тие се трудат да изгледаат што поголеми, но моето истражување покажа дека токму тие не можат да станат родители, бидејќи речиси и да немаат сперма“, вели Мосман.
Стероидите делуваат како машкиот хормон тестостерон и се користат за зголемување и јакнење на мускулите, а редовни корисници се бодибилдерите. Стероидите, објаснуваат лекарите, ја “лажат“ хипофизата тестисите да работат пребрзо. Жлездите реагираат така што го затвораат производството на двата хормона кои се клучни за производство на сперма – ФСХ и ЛХ.
Научниците велат дека слична е ситуацијата и кај мажите кои користат лекови за да спречат опаѓање на косата. Ваквите лекови, потенцираат експертите, го менуваат начинот на кој телото го аспорбира тестостеронот. Тој може да го намали губењето на коса, но една од нуспојавите е и намалена плодност. Според некои експерти, 90% од корисниците на стериоиди веројатно ќе станат стерилни.
