Истражување покажало дека децата кои комплетно несамостојно се хранат имаат зголемени шанси за развој на прекумерна телесна тежина подоцна во животот и тоа два пати повеќе од бебињата кои самостојно јадат цврста храна. Методата бебе водач на дохраната стана исклучително популарна во последната деценија, а освен што побрзо го осамостојува детето, има низа придобивки за неговиот развој, а му помага и да развива здраво чувство на контрола над своето тело.
БВД методата им дава доза на независнот на бебињата
Иако методата БВД им изгледа прилично неуредна на некои родители, многумина кои ја пробале тврдат дека им помогнала на нивните деца да се навикнат на различни текстури, вкусови и храна и дека им дала на бебињата одредено ниво на независност во јадењето и со тоа ги направила семејните оброци помалку стресни.
Проф. Ејми Браун смета дека некои родители несвесно прекумерно ги хранат своите деца. Во своите истражувања таа зборува за поврзаноста помеѓу методите на хранење, навиките во исхраната и тежината на 300 бебиња кои почнале со дохарана помеѓу 6 и 12 месеци.
По една година, сите деца биле измерени и анализирани се нивните навики во исхраната. Утврдено е дека бебињата кои се хранат со методот на бебето- водач на дохраната, можат да почувствуваат кога се сити и да престанат да јадат во тој момент, за разлика од бебињата кои се хранат со лажица.
Децата не треба да се форсираат да изедат сè
Професорката предупредува дека принудувањето на децата да го завршат оброкот, иако веќе се сити, може да има долгорочни последици. Кога се прејадуваат, малите деца учат да ги игнорираат сигналите за ситост што им ги испраќа телото, што може да ја постави основата за идни проблеми во исхраната.
Бебињата кои самостојно јадат имаат подобра контрола над своето тело и тоа им дозволува да изберат што ќе јадат од нивната чинија и колку ќе изедат.
Сè додека им нудиме разновидна храна за секој оброк, на нив е да изберат и во процесот на дохрана тие учат да ги слушаат нивните потреби и да ги почитуваат. Иако на почетокот на овој вид на дохрана може да изгледа дека бебето повеќе си игра со храната отколку што јаде, тоа е нормална и минлива фаза, по која главно следи период на прифаќање и свесно јадење.
