Дали тоа досега ви се случило? Се возите кон дома и вашето заспива на задното седиште од автомобилот. По пат мора да застанете во продавница, па одлучувате малку да го подотворите прозорецот и да го оставите детето “на мира“ да спие. Ако тоа ви се случило, за жал не сте единствени!
Иако е примамливо да се остави детето на мир во автомобилот додека вие трчате наоколу, тоа е многу лоша и за вашето дете исклучително опасна одлука.
ОГРОМЕН РИЗИК
Најголема опасност претставува топлинскиот удар (хипертермија). Оваа состојба може да го оштети мозокот и останатите органи во телото, а во тешка форма може да доведе и до смрт. Не треба долго телесната температура на детето да се зголеми и стане превисока кога ќе го оставите во автомобил.
Температурата во автомобилот може да се зголеми за 10 степени Целзиусови за само 10 минути и 22 степени за еден час. Надвор не мора да биде прежешко за да биде опасно во автомобилот. Смртни случаи се случувале и при надворешна температура нешто под 20 степени Целзиусови. Отворените прозори не спречуваат температурата да се искачи на опасно ниво.
Телото на детето се загрева три до пет пати побрзо од телото на возрасно лице. Децата имаат голема површина од телото што апсорбира топлина, а нивниот организам се уште нема докрај развиена способност за внатрешно разладување.
Повеќето деца, жртви на тополотен удар во автомобил биле до три годишна возраст, но несреќата може да се случи и кај деца од 14 години.
