Почитувањето на одредени правила пред давање на примерок од семената течност за анализа, се клучни за добивање на релеватни резултати од испитувањето, потенцираат уролозите.
За почетокот, тие велат дека најдобро е примерокот течност за спермограмот да се даде во самата лабораторија, бидејќи при транспорт може да се изменат некои од нејзините карактеристики неопходни за правилно толкување.
„Една недела пред планираното давање примерок треба да се избегнува изложување на организмот, односно на тестисите, на повисока температура. Тоа практично значи избегнување на сауни, топли купки, долготрајно седење, изложување на температура што ја произведува лаптопот ако го држите во скут и слично. Исто така, би требало да се избегнува и давање примерок непосредно по инфекција која била проследена со висока телесна температура„ објаснуваат уролозите.
Тие додаваат дека идеално време за анализа на спермата е три до четири дена по апстиненција.
„Сите наведени правила се многу важни за да со анализата прецизно се утврди вкупниот број на сперматозоиди, процентот на прогресино подвижни, непрогресивно подвижни, слабо подвижни и неподвижни сперматозоиди. Со оваа анализа се одредуваат и параметри како што се волуменот, вискозноста, брзина на растопување, pH, бојата на ејакулатот, како и податоци поврзани за акумулацијата на сперматозоидите “, објаснуваат стручњаците.
Уролозите напоменуваат дека еден примерок сперма, кој е земен единствено за да се провери нејзината состојба, ја исклучува потребата за понатамошно следење и лекување. Но, ако се утврди потреба за лекување, лекарот терапијата ќе ја препише дури по увид во вториот спермограм.
