Кога бебето околу шестиот месец од својот живот почнува да лази, го интересираат предмети, звуци, вкусови и почнува да ги испитува сопствените граници и вештини, па љубопитно се турка во нови предизвици.
Активноста е особено нагласена, кога детето почнува да оди. Некој од возрасните треба да внимава на бебето да не се повреди. Падот предизвикува чести удари на главата. Кога бебето самостојно се движи, често паѓа на задникот и се превртува на грб и ја удира глвата од тврда површина (раб од намештај, скали, под). Бебињата може да паднат и од кревет, количка, столица.
При удар на главата, во повеќето случаи не се појавуваат надворешни повреди. Бебето ќе почне гласно да плаче, но таквиот вид на повреда треба сериозно да се сфати. Коските на черепот кај бебето не се се уште сраснати и зацврстени и се слаба заштита за мозокот и лесно може да дојде до потрес на мозокот. Ако бебето изгуби свест или е поспано, плачливо, иритабилно или има потешкотии со моторичките движења и чудно се однесува, не треба да чекате, туку веднаш треба да се обратите кај лекар.
Доколку бебето нормално се однесува, сепак следете го во наредните 48 часа. По ударот на главата, некое време држете го детето будно, поради следење на однесувањето.
Треба да се разликува замор од изгубеност. Кога нема видливи повреди на главата, потпрете се на сопствениот инстикт и интуиција. И, секако, ако бебето ја удри главата, не значи дека сте лош родител. Тоа, на одреден начин е нормален дел од растењето и развојот, кога бебето на сопствена кожа ќе ги запознае рганиците на своите можности.
