Денталните трауми може да се случат на било која возраст, а кон нив најмногу се склони децата.
Модрици, џумки, убоди, исеченици, истегнувања – сето тоа е дел од нивното растење и не е ништо што малку дезинфекционо средство и нега не можат да го решат. Но, кога се забите во прашање, станува збор за нешто што не е така едноставно да се “поправи“, особено ако се работи за трајни заби.
Д-р Мајкл Чонг, детски стоматолог открива што да направите ако вашето дете скрши или му се откорне траен заб.
“Ако детето е помладо од шест години, не се ни обидувајте да го спасите забот. Кај таквите повреди, млечните заби најчесто сами повторно ќе израснат или барем делумно. Но, ако е во прашање траен заб, најдобро е да го измиете со млеко или да го држите во плунка, односно во уста. Тоа може да ја зголеми можноста за преживување на забот, кој потоа би можел да се реимплантира и фиксира. Во меѓувреме, запрете го крварењето и побарајте медицинска помош“, вели д-р Чонг.
Се надеваме дека овој совет нема никогаш да ви затреба, но ако се најдете во таква ситуација, добро е да знаете што да направите.
