Секој родител, без разлика дали како ученик бил во „добри или лоши односи со училиштето“, сака неговото дете да биде одличен ученик. Колку и да ни се чини дека знаењето не е во мода овде кај нас, вистината е дека пообразованите барем имаат можност да направат поголем избор. Во овие неколку редови сакам да им пружам поддршка на родителите чии деца тргнуваат во прво одделение. Училишните денови да им претставуваат задоволство, а не тешко бреме.
Не е неопходно децата да знаат да читаат и пишуваат, доволно е што го совладале концептот на простор меѓу две линии, за да можат точно да цртаат коси и вертикални линии, бранови
Сега сите деца посетуваат предучилишна програма. Децата кои ја посетуваат оваа програма на училиште имаат мала предност кога станува збор за првите училишни денови. Училишната зграда им е позната, во текот на годината се сретнувале со училишниот персонал, така што не постои таква неизвесност. Наставниците кои го преземаат првото одделение веќе на самиот почеток собираат информации за тоа каде децата ја посетувале предучилишната програма, па се трудат да им помогнат на децата кои доаѓаат од градинка да се снајдат. Така што немате причина да се грижите кога станува збор за снаоѓање на вашето дете во нов простор.
Не срамете се да го запознаете наставникот со важни информации од вашиот семеен живот. Треба да го запознаете наставникот, на пример, ако се родителите разведени, ако родителите или еден од нив починал, за да ја прилагоди својата работа на тие околности. Обврска на наставникот е да ги запознае со тоа и другите наставници кои го учат детето. Сите сме на заедничка задача да водиме сметка за емоциите на учениците и да не ги повредуваме.
Избегнувајте да давате коментари за наставниците кои можеби не ви се допаѓаат на прв поглед, во присуство на детето. Не го изразувајте своето разочарување за тоа да не го забележи детето. И верувале или не, многумина кои не го избирале учителот за своето дете, подоцна се позадоволни од оние кои самите го избрале. Не ги земајте здраво за готово сите приказни кои доаѓаат до вас. За некого една личност е престрога, а за друг истата таа личност е праведна и умерена
Обидете се да го направите првиот училишен ден вистинска мала прослава во вашата куќа. Обележете го тој ден, според вашите можности, за вашето дете да разбере дека тоа е посебен и важен ден во неговиот живот, без разлика на сите тешкотии што ги носи училишниот живот. И по 33 години се сеќавам на моментот кога со татко ми во поранешна „Детска опрема“ за првиот ден на училиште избрав фустан и чевли.
Избегнувајте да давате коментари за наставниците кои можеби не ви се допаѓаат на прв поглед, во присуство на детето. Не го изразувајте своето разочарување за тоа да не го забележи детето. И верувале или не, многумина кои не го избирале учителот за своето дете, подоцна се позадоволни од оние кои самите го избрале. Не ги земајте здраво за готово сите приказни кои доаѓаат до вас. За некого една личност е престрога, а за друг истата таа личност е праведна и умерена. Еден родител, на пример, ми кажа дека кога го запишувал своето дете на училиште бил многу конкретен во желбата извесна учителка никако да не го учи нејзиното дете, а после десет дена се разочарал што не ја избрал. Ако сте многу незадоволни и по одредено време, откако ќе размислите добро, имате опција да смените училиште и наставници, можеби е попаметно отколку да го пренесувате вашето незадоволство во следните четири години и да му ги отежнете училишните денови на вашето дете.
Кога детето ќе тргне на училиште, редовно проверувајте ги неговите тетратки, покажете почит за неговите напори. Создадете навики кај детето да вежба читање одреден временски период секој ден. Радувајте се заедно на секој успех, кој секако нема да изостане!
Еве како да го подготвите вашето дете за училиште
Научете го да ги брои предметите во куќата, коцките од кои гради кула, виљушките и лажиците на масата, чиниите, камчињата на плажата, цвеќињата во вазната… Одземете едно по едно и многу брзо ќе научи да брои наназад.
Не е неопходно децата да знаат да читаат и пишуваат, доволно е што го совладале концептот на простор меѓу две линии, за да можат точно да цртаат коси и вертикални линии, бранови. Вежбајте на плех попрскан со брашно или во песок. Оставете ги децата прво да пишуваат прави и криви линии, бранови со прстите. Само кога децата целосно ќе го совладаат, тогаш преминете на хартија и молив. Повеќето деца ова го усовршуваат во градинка, но ако не, тоа ќе го надоместите со трпелива работа. Детето кое ја совладало оваа вештина ќе пишува букви многу убаво и лесно.
Доволно е децата да ги препознаат напишаните букви. Играјте ја играта буква по буква. Вежбајте да анализирате зборови, од кои гласови е составен еден збор. Најпрво, изберете зборови од три букви или гласови и само кога добро ќе ги извежбате, преминете на подолги зборови. (Немојте да го учите детето да чита на овој начин, бидејќи тоа не е метод на учење да чита!) Се разбира не на маса во строго седечка положба, туку додека шетате, играте. Ако детето ја совлада оваа техника, многу лесно подоцна ќе научи да чита со помош на наставникот.
Она што е неопходно е детето да знае што е дозволено, а што не е дозволено однесување, т.е. загрозување на безбедноста на другите. Не дозволувајте детето да управува со вас, бидејќи на училиште нема да може да управува со оној што го учи, како и со децата во класот
Поставувајте им ги на децата и оние прашања за кои се претпоставува дека ги знаат одговорите. Вака децата вежбаат да се изразуваат. Доброто изразување е клучот за успехот. Замолете ги да ви кажат за нешто што им се случило, да опишат нешто што го гледаат, помогнете им ако потешко се снаоѓаат со тоа. Со вежбање, тие ќе бидат подобри и подобри. Ќе се изненадите кога на училиште самостојно и многу успешно ќе го напишат својот прв состав.
Она што е неопходно е детето да знае што е дозволено, а што не е дозволено однесување, т.е. загрозување на безбедноста на другите. Не дозволувајте детето да управува со вас, бидејќи на училиште нема да може да управува со оној што го учи, како и со децата во класот, и такво нешто ќе му биде голема тешкотија.
Не претерувајте во сето ова, правете го спонтано и ненаметливо
Ако сте успеале во сето тоа, успехот што вашето дете редовно ќе го постигнува од самиот почеток ќе му биде ветер во грб. Кога детето ќе тргне на училиште, редовно проверувајте ги неговите тетратки, покажете почит за неговите напори. Создадете навики кај детето да вежба читање одреден временски период секој ден. Радувајте се заедно на секој успех, кој секако нема да изостане! (Зелена учионица)
