Анемијата претставува состојба при која во телото нема доволно црвени крвни клетки за да се пренесе кислород до сите ткива. Таа е особено загрижувачка во третиот триместар од бременоста поради зголемениот ризик од предвремено породување и други сериозни здравствени компликации.
Што се случува ако имате анемија во третиот триместар од бременоста?
Иако анемијата е релативно честа за време на бременоста, таа може да доведе до компликации. Потенцијалните ризици од анемијата вклучуваат зголемен ризик од предвремено породување и ниска родилна тежина. Други можни ризици се:
- низок АПГАР-скор по 5 минути,
- интраутерин застој во растот (IUGR),
- смрт на новороденчето.
Една студија од 2017 година покажала дека тешката анемија во третиот триместар е поврзана со подолг престој во болница по породувањето. Истражувачите утврдиле дека суплементацијата со железо или друг третман за анемија може да помогне во нејзино спречување.
Анемијата во третиот триместар може да биде особено тешка. Според преглед на истражувања од 2019 година, состојби кои почесто се јавуваат кај бремености со анемија во третиот триместар се:
- предвремено породување (пред 37. гестациска недела),
- ниска родилна тежина,
- бебиња мали за гестациската возраст,
- постпородилна депресија,
- зголемен ризик од неонатална смрт.
Како се дијагностицира анемијата во третиот триместар?
Анемијата често се открива при рутинските крвни анализи што се прават за време на бременоста. Доколку лекарот се сомнева на анемија, може да побара тест на крвта за проверка на бројот на црвени крвни клетки во кој било период од бременоста, вклучително и во третиот триместар.
Што ја предизвикува анемијата во третиот триместар од бременоста?
За време на бременоста, телото работи интензивно за да го нахрани бебето кое расте. За да се обезбедат доволно хранливи материи, волуменот на крвта се зголемува за околу 20 % до 30 %. Иако вкупниот волумен на крвта се зголемува, плазмата (течниот дел од крвта) се зголемува повеќе отколку бројот на црвени крвни клетки. Резултатот е понизок процент на црвени крвни клетки во крвта.
Друга причина за анемија за време на бременоста е ниско ниво на железо, фолна киселина или витамин Б12. Ако лекарот дијагностицира анемија, ќе направи дополнителни испитувања за да ја утврди причината и внимателно ќе ја следи нејзината тежина.
Како се лекува анемијата во третиот триместар од бременоста?
Медицински третман
Кај лесна анемија, лекарот најчесто ќе препорача земање додаток на железо или пренатален витамин. Кај тешка анемија, може да се препорача трансфузија на крв за да се намалат ризиците поврзани со анемијата.
Што можете да направите дома
Покрај земањето додаток на железо или пренатален витамин, можете да го подобрите нивото на железо и фолна киселина со балансирана и хранлива исхрана богата со намирници што содржат железо.
Анемијата е честа појава за време на бременоста. Во третиот триместар може да биде потребна терапија со железо или трансфузија на крв за да се намали ризикот од предвремено породување, ниска родилна тежина или подолг престој во болница по породувањето
Доколку железото го внесувате преку растителни извори, корисно е да ги комбинирате со храна богата со витамин Ц, кој ја подобрува апсорпцијата.
Синдромот на немирни нозе е нарушување што предизвикува силна непријатност при седење или лежење, најчесто за време на спиење. Се јавува силен нагон за движење на нозете или станување и одење. Овој синдром е чест кај лица со недостаток на железо за време на бременоста
Најчесто поставувани прашања
- Дали треба да земам додатоци на железо и доколку немам анемија?
Иако додатоците на железо може да се купат без рецепт, секогаш консултирајте се со вашиот гинеколог или друг здравствен работник пред да започнете со нивно земање. Прекумерното количество железо во телото може да предизвика сериозни здравствени проблеми.
- Ако симптомите не се подобрат по започнување со додаток на железо, дали тоа значи дека ми треба поголема доза?
На телото му е потребно време да ги обнови црвените крвни клетки. Може да поминат неколку недели пред да се зголеми нивото и да исчезнат симптомите. Ако по неколку недели нема подобрување, разговарајте со вашиот лекар за повторна проверка на нивото на железо и понатамошни чекори.
- Што е синдром на немирни нозе?
Синдромот на немирни нозе е нарушување што предизвикува силна непријатност при седење или лежење, најчесто за време на спиење. Се јавува силен нагон за движење на нозете или станување и одење.
Овој синдром е чест кај лица со недостаток на железо за време на бременоста. Суплементацијата со железо, под лекарски надзор, може да помогне.
Заклучок
Многу жени развиваат анемија во текот на бременоста, најчесто поради ниските резерви на железо и зголемениот волумен на крвта.
Доколку анемијата стане тешка, може да доведе до компликации како предвремено породување и ниска родилна тежина. Лекарот може да препорача додаток на железо или трансфузија на крв за да се контролира состојбата и да се спречат компликации.
