Постојат некои, и не така пријатни делови од породувањето за кои никој не сака да разговара. Еден од тие делови е речиси сигурната последица кај прворотките: вагинално пукање.
“Важно е да се нромализира поимот вагинално пукање и да не се плашите, бидејќи се случува често“, вели Кети Пеги, акушерка. Ако наскоро ве чека породување, прочитајте што се треба да знаете за вагиналното пукање.
- Што е точно вагинално пукање?
Вагиналното пукање е спонатно (што значи дека лекарот не направил рез) кинење на перинеумот (делот помеѓу вагината и анусот) кое се јавува кога бебето излегува низ вагиналниот канал.
“За време на породувањето, вагината мора да се растегне доволно за бебето, чија глава е со големина на диња да излезе“, вели гинекологот Шери Рос и додава дека вагината може да се растегне доволно без пукање, но тоа сеедно често се случува.
- Какви се шансите да дојде до вагинално пукање?
За жал, многу големи. Прворотките имаат 95% шанси да искусат некоја форма на пукање во текот на породувањето, со оглед дека ткивото е помалку флексибилно. Но, и други фактори придонесуваат за веројатноста за пукање, како прекумерната телесна тежина или брзото породување, со оглед дека ткивото има помалку време за да се прилагоди и растегне додека бебето излегува.
Положбата на бебето (оние кои се свртени нагоре, на пример, додаваат дополнителен притисок на дното на вагината) е уште еден фактор. Породувањето со вакуум, индуцирано породување или особено долго породување што резултира со сериозно отекување на вагината, исто така ги зголемува шансите за вагинално пукање. Добри вести? Обично, по првото вагинално породување, ткивото станува пофлексибилно и вагиналното пукање е помалку веројатно, објаснува д-р Рос.
- Степени на вагинално пукање
Постојат четири степени на вагинално пукање, сите можат да бидат болни, но некои од нив бараат и шиење и може да влијаат на мускулниот прстен (анален сфинктер). За среќа, најчестите пукања не се толку сериозни и тешки.
Вагинално пукање од прв степен
Најблага форма на вагинално пукање и најмалку сериозна. “Пукањето се случува само во основата на вагината, значи таквото пукање вклучува само површинско пукање на кожата околу вагиналниот отров или кожата на просторот помеѓу вагината и аналниот отвор. Не е толку болно и иако главно не бара шиење, може да се случи“, објаснува гинекологот и додава дека опоравувањето трае до неколку недели и е потребно да се одржува добра хигиена.
Вагинално пукање од втор степен
Најчесто пукање, вклучува подлабоки руптури (пукнувања) и главно се однесува на перинеалната област. Обично е потребно шиење, а закрепнувањето трае неколку недели. Се разбира, добрата хигиена и испирање на раната со топла вода по секое мокрење е исто така важно.
Вагинално пукање од трет степен
Ова пукање продира во подлабоките слоеви на перинеумот и мускулите околу анусот. „Вашиот лекар ќе треба да го сошие секој слој одделно, обрнувајќи особено внимание на затворањето на мускулниот слој што го поддржува сфинктерот“, вели д-р Рос, додавајќи дека се потребни месеци пред раните целосно да заздрават. Можни последици се и проблеми со инконтиненција и болен сексуален однос во месеците по породувањето.
Вагинално пукање од четврт степен
Најтешка и најболна форма на пукање, а опфаќа се горенаведеното и се протега се до аналниот отвор. „Пукањето се санира хируршки и потребни се месеци за целосно закрепнување“, вели д-р Рос, додавајќи дека, за среќа, ова е најмалку вообичаено пукање.
- Како изгледа закрепнувањето?
Ако сте имале пукање од прв или втор степен, може да очекувате непријатност една недела или две, особено кога седите исправено. Празнењето на дебелото црево или што било што предизвикува зголемување на притисокот надолу, како што е кашлање или кивање, исто така ќе боли. До втората недела, раната треба добро да зарасне, но може да потрае уште неколку недели пред нервите и мускулната сила целосно да заздрават. Сексуалниот однос по шест недели, исто така, веројатно ќе биде непријатен, во зависност од локацијата на пукањето и квалитетот на конците.
Опоравувањето по третиот или четвртиот степен на пукање трае малку подолго, најмалку две до три недели по почетната болка, а непријатноста за време на сексуалниот однос или празнењето на столицата може да трае до неколку месеци. „Омекнувачите на столицата и диетата богата со растителни влакна можат да помогнат, како и ладните облоги и купки со билки“, советува д-р Рос.
- Епизиотомија
Хируршката „одбрана“ на перинеумот (ткивото помеѓу вагината и аналниот отвор) од неконтролирано пукање се нарекува епизиотомија (рез од неколку сантиметри). Лекарот и бабицата ќе проценат дали е потребна оваа хируршка интервенција во текот на породувањето. После породувањето резот се шие, а конците се ресорбираат за десет дена. Доколку дојде до крвавење и оток, потребно е родилката да се јави кај својот лекар. После епизиотомија се препорачува лежење од неколку недели, избегнување седење и кревање тешки предмети.
