Ново истражување покажало колку слободно време им треба на мајките за да бидат среќни. Изразот „слободно време“ и мајчинството, да бидеме искрени, не одат рака под рака. Кога жената ќе стане мајка, целиот живот и се менува и се чини дека никогаш нема доволно време за себе. Секогаш постои грижа околу хранењето, распоредот на активности, спиењето, домашните обврски и не ретко потребите и желбите на мајката се на дното на листата. Иако често мислиме дека би било најдобро да имаме само слободно време, истражувањето сугерира дека тоа всушност не е така.
Според истражувањето, постои количина на слободно време што е „совршена“ количина, а тоа го докажала и науката. Иако студијата открила дека луѓето кои имаат повеќе слободно време генерално имаат повисоко ниво на благосостојба, постои одредена граница. Се пкажало дека магичниот број на слободно време е 2 часа.
Иако ова изгледа тешко изводливо во мајчинството, со малку креативност и дисциплина, не е невозможно. Кога децата одат во кревет или дремат во текот на денот, мајката можеби ќе треба да каже „не“ на домашните работи и наместо тоа да искористи малку слободно време – за себе. Ова сигурно звучи полесно отколку што и е во пракса, но мајките треба да се ставаат себеси и своите потреби на прво место одвреме-навреме.
Исто така, охрабрувачки е да се знае дека премногу слободно време може да биде штетно. Мајките кои имале по пет часа слободно време дневно се чувствувале полошо, биле помалку продуктивни, што предизвикувало фрустрации и проблеми во семејството, чувството на исполнетост поради добро извршените обврски отсуствувало и можноста за депресија била поголема.
Наведените резултати од истражувањето се во спротивност со врежаното мислење дека сме посреќни кога имаме повеќе слободно време. Иако понекогаш не сакаме да ги извршуваме домашните работи или мајчинските должности, токму ваквата работа го стимулира мозокот и помага да се даде смисла на животот. Доколку мајката поминува премногу време „во празен од“ и не учествува во секојдневниот живот и обврски, би можела да се чувствува подепресивно, поради недостаток на стимулација, заклучуваат авторите на истражувањето.
