За домот да го исчистите од бактерии, вируси односно изворот на можна повторна зараза, важно е по болеста да се исчистат и дезинфицираат следниве места во домот.
КВАКИ
Рацете се постојано во акција и се најчестиот преносител на болести. Дури и со редовно миење на рацете, нема целосно да се отстранат сите бактерии или вирус, и затоа е потребно да се исчистат сите места што рацете ќе ги допрат, а особено кваките на вратите.
ПЕШКИРИ И ОБЛЕКА
Се што е во контакт со телото за време на болеста треба да се испере во врела вода. Пешкирите перете ги на 90 степени, а облеката исперете ја и дезинфицирајте ја со посебни средства.
ДАЛЕЧИНСКИ УПРАВУВАЧ
Кога децата се болни, најмногу време минуваат во кревет гледајќи телевизија. Додека се раководи со далечинскиот управувач, на него остануваат вируси, па затоа потребно е редовно да се дезинфицираат за време и по завршување на болеста.
ИГРАЧКИ
Ако еден челн на семејството има грип со желудочни и цревни тегоби, веројатно нема да пројде многу време и друг член од семејството да се разболи. Децата меѓусебе најлесно и набрзо се заразуваат и затоа е важно редовно да се перат и чистат и детските играчки.
ЧЕТКА ЗА ЗАБИ
Повеќето причинители за болестите освен на рацете, се наоѓаат и во устата. Затоа, по одредена болест најдобро е четкичката за заби да ја замени не само болното лице, туку и цело семејство, бидејќи вообичаено четките на сите домашни, стојат на едно заедничко место.
