Новиот, бразилски сој на коронавирус, односно варијанта B.1.1.28, е откриен и во Хрватска, во лабораторијата за напредна геномика на институтот „Руѓер Бошковиќ“. Се работи за нова варијанта која е откриена неодамна заедно со британската и јужноафриканската верзија.
Бразилската варијанта за прв пат е откриена во Јапонија кај четири лица кои патувале во Бразил
Експертите се загрижени што досегашните истражувања покажуваат дека оваа варијанта е позаразна, односно дека е полесна за пренесување. Од друга страна, нема докази дека предизвикува посериозна клиничка слика при развојот на болеста, пишува Си-Ен-Ен.
Бразилската варијанта за прв пат е откриена во Јапонија кај четири лица кои патувале во Бразил.
Досега, сите индикации се дека оваа варијанта се појавила кон крајот на 2020 година во Манаус, најголемиот град во Амазон, а наскоро станала доминантен во тој град, како и во неколку други јужноамерикански градови, пишува „Њујорк тајмс“.
-
Истражувањата само што започнаа, па се што е во врска со новата варијанта е сè уште на ниво на претпоставки, но некои примери покажуваат дека варијантата B.1.1.28 може да зарази лице дури и ако лицето ја прележало инфекцијата со друг сој на коронавирус
Вирусниот имунолог Лука Чичин-Шаин, неодамна рече дека е загрижен за бразилскиот и јужноафриканскиот сој бидејќи за нив е јасно дека постојат индикации дека имунитетната меморија стекната со претходната инфекција потешко се препознава.
„Треба да се следат за да се види дали навистина ќе бидат проблем и ќе ги инфицираат луѓето кои веќе прележале вирусна инфекција“, рече Чичин-Шаин.
