Компаниите Фајзер и Бионтек велат дека доставиле нови податоци до американската Управа за храна и лекови (ФДА) за да покажат дека вакцината против Covid-19 може да се чува на потопли температури.
Во моментов, етикетата за вакцината на Фајзер и Бионтек вели дека таа мора да се чува во ултра ладни замрзнувачи помеѓу -80 степени Целзиусови до -60 степени Целзиусови
Во соопштение за печат, Фајзер вели дека овие нови податоци покажуваат дека нивната вакцина може да биде стабилна кога се чува на температура помеѓу -25 степени Целзиусови до -15 степени Целзиусови во период од две недели – температура која е вообичаена за фрижидерите и замрзнувачите.
Во моментов, етикетата за вакцината на Фајзер и Бионтек вели дека таа мора да се чува во ултра ладни замрзнувачи помеѓу -80 степени Целзиусови до -60 степени Целзиусови, и трае до шест месеци, или може да се чува на нормални температури во фрижидер (од 2 степени Целзиусови до 8 степени Целзиусови) најмногу до пет дена, пред да се измеша со солен раствор.
„Ја цениме нашата постојана соработка со ФДА и CDC, додека работиме за да обезбедиме вакцината да биде испорачана и складирана под сè пофлексибилни услови. Доколку биде одобрена, оваа нова опција за складирање ќе им понуди на аптеките и центрите за вакцинација поголема флексибилност во начинот на управување со вакцините“, рече извршниот директор на Фајзер, Алберт Бурла, во соопштението од компанијата. (Си-Ен-Ен)
