Скенирањето на мрежницата може да даде значителен придонес во раното откривање на аутизмот и исходот од третманот на децата, рече Бени Зи, професор на Универзитетот во Хонг Конг.
Важно е рано да се започне со интервенцијата, бидејќи децата сè уште растат и се развиваат, што значи дека шансите за успех се поголеми, додаде Зи.
Експертите за аутизам велат дека сè уште постои голема стигма кога станува збор за ова нарушување, бидејќи многу родители нерадо го прифаќаат фактот дека нивното дете има аутизам, дури и кога има многу јасни сигнали за тоа
Неговиот метод користи камера со висока резолуција со нова компјутерска програма која анализира комбинација на фактори, вклучувајќи слоеви на влакна, како и крвни садови во окото.
Технологијата може да се искористи за откривање и идентификување на деца кои се подложни на развој на аутизам, со цел да се вклучат во програмите за третман што е можно поскоро, објасни Зи.
Како дел од употребата на новата технологија, биле тестирани седумдесет деца, од кои 46 веќе биле дијагностицирани со аутизам, а во контролната група имало 24 деца.
Методот користи камера со висока резолуција со нова компјутерска програма која анализира комбинација на фактори, вклучувајќи слоеви на влакна, како и крвни садови во окото
Технологијата на Зи успеала да открие деца со аутизам во дури 95,7 проценти од случаите. Просечната возраст на тестираните деца била 13 години, а најмладиот учесник во студијата имал шест години.
Експертите за аутизам ги поздравија неговите откритија, но велат дека сè уште постои голема стигма кога станува збор за ова нарушување, бидејќи многу родители нерадо го прифаќаат фактот дека нивното дете има аутизам, дури и кога има многу јасни сигнали за тоа.
„Многу родители во почетокот го негираат постоењето на аутизам кај нивното дете“, рече д-р Калеб Најт, кој води приватен центар за терапија на деца со аутизам.
„Кога би постоел медицински тест или биолошки маркер како овој, тоа би можело да им олесни на родителите да ја прифатат дијагнозата на аутизам, па детето побрзо би добило медицинска помош“.
Децата со аутизам мора да чекаат околу 80 недели за да дојдат на ред и да консултираат јавен здравствен работник, стои во објаснувањето од Владата во Хонг Конг.
Зи за Ројтерс изјави дека целта на неговото истражување е да обезбеди дополнителна професионална алатка за професионална проценка, која ќе ја користат лиценцираните здравствени работници.
Резултатите од неговото откритие се објавени во стручното медицинско списание EClinicalMedicine.
