Анксиозноста е едно од најчестите психички заболувања, од кои не боледуваат само возрасните. Сепак, децата поретко отворено зборуваат за тоа што ги мачи. За среќа, постојат суптилни знаци кои може да ги препознаете.
Претерано играње видео игри
Многу деца, бегство од реалноста бараат токму во виртуелниот свет. Доколу вашето дете бара да гледа црнати филмови или да игра игри на таблет или компутер, и тоа го прави во поголем дел од слободното време, можно е да се бори со некои тешки емоции и да бара бегање од реалноста.
Се обидува на сите да им угоди
Децата со анксиозност се плашат од чувството дека некого изневериле и го разочарале, па прават се да го задоволат, па макар и на нивна штета.
Пречесто миење раце
Некои истражувања покажале дека одредени деца не знаат како да излезат на крај со анксиозноста или им е срам, па тоа го надоместуваат со физички ритуали. Најчесто тоа го прават со пречесто миење раце, грицкање нокти, чешање на рацете или грицкање на устата.
Наеднаш сака да спие со вас
Честото будење ноќе, потешкотии при спиењето и ненадејна желба да спие со вас, може да бидат знаци на анксиозност кај детето.
Избегнување на дружење
Изолација и избегнување на социјализација, во случај на анксиозност, може да има негативни ефекти и може да доведе до депресија.
Жалење на болка или чешање
Доколку ова не се симптоми на некое заболување, болката, најчесто во стомакот и чешање на кожата, се знаци на анксиозност.
Потешкотии при вршење нужда
Доколку детето често мокри во крвет или има проблеми со запек, или пак одбива да оди во тоалет, можно е да страда од анксиозност. Ова однесување често е знак дека детето нешто го мачи и оти чувствува дека нема контрола.
Промени во расположението
Нагли промени на расположението, нервоза или пак агресија, која порано не е забележана, укажува на постоење на анксиозност, а детето не знае поинаку да се избори со ова чувство.
Исцрпеност
Покрај психичко, анксиозноста има и физичко влијание на детето, па може да предизвика хроничен замор и незаинтересираност.
