Она што треба да се избегнува е слатките работи да станат “забрането овошје“, бидејќи кога се забранети изгледаат попримамливо и послатко. Ако сакате да избегнете вашето дете да развие лоша навика во исхраната која подоцна тешко ќе ја исправите, тогаш што порано почнете со правила за консумирање благо.
- Колку е премногу?
Дозволете му на детето еднаш во денот да изеде нешто слатко и тоа најдобро како десерт. Нека тоа биде мало чоколадо, две бисквити, мал сладолед со овошје или мал пудинг за деца. Понудете му на детето и суво овошје. Ако бара уште, кажете му дека утре повторно ќе добие нешто слатко.
- Како да му понудите десерт?
Слатките и благи работи не му ги нудете на детето како награда или како казна за тоа колку тоа изело или не изело од ручекот. Тоа на слаткото му дава поголема примамливост пред главното јадење. Благите работи нека бидат нормален дел од главниот оброк кои редовно ќе му се нудат.
Секогаш дадете му мала порција, независно од тоа колку изело од главниот оброк. Доколку по понудената порција слатко бара уште, тогаш објаснете му дека може да добие овошје или парче леб, но дека слатко веќе нема.
- Кога и како да попуштите?
Секако дека детето повремено ќе јаде слатко и за ужина, ако да речеме сте направиле некој колач. Но, тогаш немојте за десерт, по ручекот да му понудите слатко. Во прошетка или во парк секако дека ќе му купите сладолед, но тоа никогап не го правете како нагдара за нешто или откако детето ве молело со часови додека не попуштите.
- Каков пример сте?
Ако и самите сакате слатки работи и тешко се контролирате, тешко е да очекувате од детето да не бара кога ве гледа дека вие постојано ги јадете. Прво дисциплинирајте се себе, а дури потоа барајте го тоа и од детето.
ЗДРАВА АЛТЕРНАТИВА
- Свежо или сушено овошје како: кајсија, јаболка, слива
- Јогурт со овошје и мед
- Смути (миксирано овошје со млеко или вода)
- Парче леб со путер и мармалад или мед
- Јаткасти плодови
- Сутлијаш или гриз со млеко
