По ручекот, ви останало спанаќ доволно и за вечера. Од претпазливост, многу мајки ќе го фрлат тој спанаќ затоа што прочитале, а и општо е познато дека еднаш сварениот спанаќ не треба повторно да се загрева. Но, што е навистина точно во таа теорија, а што е мит?
Всушност, има одредена вистина во оваа препорака поради хемиските реакции што се случуваат во спанаќот по готвењето. Листовите спанаќ црпат многу нитрати од почвата за време на растот. Ова само по себе не е проблем и е сосема безопасно. Но, кога сварениот спанаќ се остава долго време на собна температура, микроорганизмите почнуваат да го претвораат нитратот во нитрит. Во контакт со протеините, нитритот се претвора во нитроамин, кој има канцерогено дејство.
Брзо загрејте, а остатоците оставете ги во фрижидер
Советот дека спанаќот не треба повторно да се загрева потекнува од времето кога немало фрижидери. Денес тоа повеќе не е важи. Сварениот спанаќ треба брзо да се излади, да се покрие, веднаш да се стави во фрижидер и да се загрее најмногу еднаш. Ако се придржувате до овој совет, нема да му наштетите на вашето здравје. Можете да го загреете и во микробранова печка.
Важно! Брзо загрејте го спанаќот и не држете го долго топол, бидејќи така ќе спречите претворање на нитратите во нитрити. Исто така, бидете внимателни кога подготвувате спанаќ за бебе. Подобро е сами да го зготвите и веднаш да го употребите бидејќи малите бебиња се почувствителни и можат посилно да реагираат.
