Патувањето со деца со автомобил некои родители ги асоцира на проблеми, кои носат повраќање. Што треба или може да направите пред и откако ќе се појават симптомите на мачнини за патувањето да биде пријатно и за вас и за децата?
Голем процент на деца патат од мачнини при возење со автомобил. Некои се толку чувствителни да за неколку минути во автомобил им почнуваат првите симптоми, а потоа повраќање, додека некои само не го поднесуваат возењето.
Први знаци дека детето има мака се смирувањето, пребледување или почнува да зева. Во такви ситуации најдобро е што побрзо да го запрете возилото и да го извадите детето да земе свеж воздух. Кога ќе продолжите со возење, потрудете се детето да гледа надвор од автомобилот во најодалечените неподвижни точки. Мало дете тоа тешко ќе го разбере и тешко дека ќе остане сконцентрирано на гледање во далечина. Затоа, за да му го задржите вниманието, може да го прашувате дали ја гледа куќата на оддалечената планина, или дрвото на крајот на патот…
Децата кои се нагласено чувствителни, за на подолг пат им се даваат лекови против мачнини. Но, ако немате или сте заборавиле да му дадете лек, еве што може да направите:
- Потрудете се детети да јаде еден час пред патувањето. Празниот стомак, како и штотуку изедениот оброк го засилува чувството на мачнина.
- Укинете ја секоја забава која на детето ќе му го фокусира погледот внатре во автомобилот: читање, гледање цртани, игрици…
- Следете цело време дали ќе се појават симптоми на мачнина. Колку порано ги воочите, толку побрзо ќе изреагирате и полесно ќе ви мине патувањето.
