Соковите се полни со шеќер, а млекото со масти. Поради ова понекогаш е тешко да одлучите што да му дадете на детето да пие. Една нова студија дополнително ја зголемува збунетоста на родителите, според која „овошниот сок може да го поттикне зголемување на телесната тежина кај децата поради комбинацијата на шеќер и течни калории“. Ова откритие е спротивно на она во кое можеби верувале многу родители, особено оние кои претпоставувале дека сокот е здрава алтернатива богата со витамин Ц.
Нутриционистот Роб Хобсон рече дека не би ги советувал родителите целосно да го исфрлат овошниот сок од исхраната на своето дете. Сепак, тие треба да бидат свесни во колкава количина нивните деца го внесуваат.
„Водата и млекото се најдобриот избор бидејќи не содржат слободни шеќери. Овошните сокови и смути содржат некои витамини и минерали, но се богати и со шеќер, па затоа советот е да ги ограничите на не повеќе од една мала чаша од 150 ml на ден“, вели Бриџит Бенелам, нутриционистка
„Не гледам проблем да му давате на детето мала порција овошен сок (150 ml) секој ден. Подобро е да го послужите како дел од здрав појадок. Истото важи и за смути, но послужете го едното или другото“, рече тој.
Хобсон додаде дека сокот може да додаде калории во исхраната, но има и придобивки. На прво место е витаминот Ц, кој го нема во другите засладени пијалоци.
„Во текот на денот препорачувам други пијалоци кои хидрираат без додадени шеќери. Можете да му понудите на вашето дете природно ароматизирана вода со додавање на состојки како краставица, коцки ананас, јагоди и нане. Чаша млеко е исто така многу хранлива за децата, може да хидрира и придонесува за внес на калциум“, забележува тој.
Нутриционистката Бриџит Бенелам верува дека водата и млекото се најдобриот избор на пијалак за децата во споредба со сокот.
КОЛКУ ШЕЌЕР Е ПРЕМНОГУ?
Количината на шеќер што една личност треба да ја изеде во текот на еден ден зависи од тоа колку години има:
- Децата на возраст од четири до шест години треба да бидат ограничени на максимум 19 г на ден;
- Децата од седум до 10 години не треба да внесат повеќе од 24 г;
- Деца на возраст од 11 години и повеќе – 30 г или помалку;
Во меѓувреме, NHS препорачува возрасните да не внесуваат повеќе од 30 г слободни шеќери дневно
„Водата и млекото се најдобриот избор бидејќи не содржат слободни шеќери. Овошните сокови и смути содржат некои витамини и минерали, но се богати и со шеќер, па затоа советот е да ги ограничите на не повеќе од една мала чаша од 150 ml на ден“, рече таа.
Таа додаде дека треба да внимавате бидејќи соковите можат да влијаат врз оралното здравје на децата.
„Шеќерот и киселоста на соковите може да ги оштетат забите ако децата често ги консумираат, па затоа најдобро е да се пие овошен сок заедно со оброкот за да се ограничи влијанието врз здравјето на забите“, рече таа.
За особено пребирливите деца кои сакаат сок или за родителите кои сакаат да ги максимизираат витаминските придобивки без несакани ефекти, Бенелам советува да се обидат да го разредат сокот со вода за да го намалат шеќерот и киселоста.
