Прекумерното време што децата го поминуваат пред екраните е главната грижа на повеќето родители. Но, не секое време пред екранот е лошо. Психологот Клер Кристенсен тврди дека постои начин да се разликува „доброто“ од „лошо“ време.
„Општото правило дека намаленото време пред екран е секогаш подобро за децата, е повеќе деструктивно отколку корисно“, вели Кристенсен. Таа истакнува дека гледањето висококвалитетна образовна содржина е добро за развојот на децата. Тоа ги поучува на важни вештини и емоционална интелигенција што на крајот може да им помогне да се развијат во успешни возрасни личности.
Исто така, може да им даде слободно време на преоптоварените родители за домашна работа или релаксација.
Важно е содржината да ги поттикнува децата да размислуваат
Кристенсен го опишува „доброто време пред екран“ како содржина што ги поттикнува децата да размислуваат. Во 2021 година, психолог водела студија која покажала дека првачињата научиле писменост и математички вештини откако гледале образовни содржини. Покрај тоа, тие ги подобриле и нивните способности за решавање проблеми.
„Значи, обидете се да ги насочите децата кон содржини каде учењето е дел од приказната или главната идеја“, советува Кристенсен. Сепак, таа тврди дека и необразовната содржина и понатаму може да биде корисна ако поттикнува интеракција и игра, бидејќи тоа го помага когнитивниот и емоционалниот развој.
За да ја најдеме златна средина, можеме однапред да одредиме каква содржина ќе гледаат децата.
„Ако не планираме однапред и немаме подготвен таблет со серија што ни се допаѓа, одеднаш нашето дете е на мобилен и гледа којзнае што. Затоа бидете подготвени и проактивни“, заклучува Кристенсен.
