Патувањето за време на бременоста може да биде безбедно и пријатно со правилно планирање и претпазливост. Експертите се согласуваат дека е во ред да се отиде на кратко патување додека бебето е се уште во утробата. Сепак, постојат неколку работи што треба да ги имате на ум ако планирате да патувате за време на бременоста. Најдобро време за патување е во вториот триместар од бременоста, кога утринските мачнини веројатно се поминати, а вашиот стомак не е премногу голем за да ви биде непријатно.
Пред да ги спакувате куферите, консултирајте се со вашиот лекар, особено ако сте во последниот триместар или ако имате некои компликации поврзани со бременоста
Сепак, треба да бидете подготвени на фактот дека самата бременост е непредвидлив процес и никогаш не се знае кога може да се појават некои компликации, поради кои лекарот ќе ви препорача дека е подобро да мирувате.
Еве неколку совети за да го направите патувањето што е можно побезбедно и попријатно:
- Најдоброто превозно средство е автомобилот, бидејќи можете да го замолите вашиот придружник да застане кога ви треба пауза и краток одмор од патот. При патување со автомобил, направете паузи на секои 1-2 часа за да се истегнете и да се одморите. Осигурајте се дека појасот е правилно поставен под стомакот и над рамото.
- Можеби нема да ја имате оваа опција во воз или автобус, но во ниту еден од нив нема да имате поголеми тешкотии за време на вашето патување.
- Иако многу луѓе мислат дека патувањето со авион никако не е дозволено, но не е докажано дека тоа може да остави лоши последици на вашето бебе. При патување со авион, изберете седиште до коридорот за полесно движење. Се препорачува да станувате и да се движите на секои 1-2 часа.
Сепак, пред да ги спакувате куферите, консултирајте се со вашиот лекар, особено ако сте во последниот триместар или ако имате некои компликации поврзани со бременоста.
