Ако спаѓате во групата родители кои се двоумат како ќе излезе првиот одмор со вашето бебе и дали воопшто има смисла да се впуштите во таа авантура, размислете уште еднаш! Со добра организација, тоа може да биде одлично време поминато со вашето семејство кое никогаш нема да може да се врати. На крајот на краиштата, порано или подоцна ќе мора да се соочите со првото летување со вашето дете.
Што ви е потребно за првиот одмор со вашето бебе
Проверете дали хотелот има соодветно креветче за бебето. Ако не, ќе треба да земете преносливо креветче. Исто така, спакувајте ќебиња или вреќа за спиење за бебето, но запомнете дека на одмор температурите се обично неколку степени повисоки.
Најважни работи во рачниот багаж:
- Торба со пелени;
- Влажни марамчиња, хартиени марамчиња;
- Пластични кесички, кои се затвораат;
- Лигавче и резервна цуцла лажливка (или повеќе цуцли);
- Маици со кратки ракави, боди, резервна облека за пресоблекување;
- Ќебенце или нешто за покривање во случај да залади;
- Ако детето јаде од шише, понесете адаптирана формула, превриена вода во термос и шише;
- Капа како заштита од сонце;
- Омилени играчки, музика или сликовница.
Проверете дали хотелот има соодветно креветче за бебето. Ако не, ќе треба да земете преносливо креветче. Исто така, спакувајте ќебиња или вреќа за спиење за бебето, но запомнете дека на одмор температурите се обично неколку степени повисоки
Храна и течности
Кога сте го испланирале најголемиот дел од патувањето и багажот, следното нешто што треба да го земете предвид е кога и приближно колку пати вашето бебе може да побара да јаде.
Ако бебето сè уште го доите, одморете се добро пред патувањето и пијте многу течности. Доете го вашето бебе каде и да се чувствувате удобно. Доколку бебето се храни со шише, потребно е за време на патувањето да понесете онолку шишиња колку што му се потребни оброци на бебето. Подгответе ја потребната количина храна во секое шише и чувајте ја во преносливо фрижидерче. На крајот, останува само да се опуштите и да уживате во првото заедничко патување со бебето. Добар одмор!
