Многу родители знаат како да се соочат со притисоците на околината кога станува збор за одвикнување на детето од пелени. Имајќи предвид дека не секое дете е подготвено да се одвикне од носење пелена во исто време, родителите често прават грешки кои само дополнително го одложуваат нивниот успех во навикнувањето на тоалетот. Како што објаснуваат психолозите, голем број родители прават една грешка што го комплицира овој и онака тежок процес.
Се работи за казнување. Како што објаснуваат психолозите, одвикнувањето на детето од пелени не е нималку едноставна задача и често ќе се случуваат незгоди, особено на почетокот. Она што тогаш многу родители го прават, а никогаш не треба да го прават, е да го казнат детето кога ќе доживее незгода, односно ненамерно изврши нужда во гаќи.
Засрамувањето на детето поради нешто што често е надвор од негова контрола, всушност претставува поништување на голем дел од напредокот во навикнувањето на извршување нужда во нокшир или тоалет што веќе е постигнат. Освен тоа, психолозите објаснуваат дека на тој начин родителите му штетат на развојот на самодовербата на детето.
