Мајчинството знае да бара многу, но истовремено е и прекрасно искуство. Секоја насмевка или прегратка од детето ги прави сите предизвици вредни. Сепак, не секој е создаден или подготвен за овие предизвици. Терапевтот и мајка на пет деца, Кетрин Агранович, открива четири квалитети кои ја прават жената неверојатна мајка.
Свесна е за своите слабости: “Добрата мајка е свесна за своите слабости, но пред се ги сака своите деца. Постојано бара промени што треба да ги направи за да го подобри животите на своите деца”, вели терапевтот.
Пример е во растот и развојот: Жена која постојано вложува во својот личен развој ќе биде добра мајка, тврди Агранович. „Подобрувањето на себе предизвикува динамиката на нејзиното домаќинство да се развие во мирен, хармоничен тек. Тој мир и смиреност влеваат чувство на сигурност кај нејзините деца“, објаснува таа.
Ги задоволува своите потреби и е себично несебична: „Добрата мајка руча со пријателите, се занимава со своите интелектуални и креативни активности и ужива во своето хоби.Всушност, таа е своја личност и нејзините потреби се важни. Себеси се доживува како рамноправен член на кругот луѓе кои и се важни“, наведува терапевтот.
Искрена е и ги признава своите грешки: Агранович истакнува дека добрата мајка секогаш презема одговорност за своите постапки и грешки. “Кога им вика на децата, се извинува. Кога ќе заборави на нивната училишна претстава, искрено се кае и го кажува тоа, признавајќи ги своите грешки. Доволно е храбра да води автентични разговори со своите деца”, заклучува терапевтот.
