♦♦♦♦♦♦♦
Маската за лице стана неопходна низ целиот свет. Коронавирусот ги промени нашите навики, а возењето со јавен превоз или одењето во продавница без маска за лице веќе не е можно.
Многу се зборува за заштитата која ја нудат маските и колку тие, всушност, можат да бидат ефикасни во спречување на ширењето на инфекција со коронавирус. За среќа, постои едноставен трик што може да ви го даде одговорот на прашањето дали маската што ја носите е ефикасна. Го открива асистентката од Универзитетот „Џонс Хопкинс“, д-р Наташа Мубин Чида.
„Ставете ја маската на лицето и обидете се да дувнете во свеќа. Ако не успеете, маската е ефикасна и го спречува ширењето на воздухот од вашата уста“, рече таа за WBZ Чикаго.
Докторката, исто така, додава дека поентата на носење маска е всушност да се заштитат другите. „Целта не е да се заштитите себеси, туку луѓето околу себе. Маските превенираат да пренесете нешто на некој друг“, предупредува таа.
Д-р Маркус Плесија советува дека, доколку носите маски од ткаенина, секогаш да бирате двослојни.
„И немојте да заборавите да ги заштитите очите. Им препорачувам на луѓето да носат очила за сонце ако визирите им се непрактични“, советува д-р Плесија за „Well and Good“.
