Иако сме се погрижиле за тоа домот да биде безбеден за детето и да нема видливи опасности, малите глави се толку љубопитни што за миг се наоѓаат во непријатна ситуација. Веројатно многу пати сте слушнале приказни за грав заглавен во ноздра? Иако мислиме дека тоа му се случува на некој друг, може да ви се случи и вам. Што да се прави во таа ситуација? Американскиот колеџ за лекари за итна помош (ACEP – American College of Emergency Physicians) подготви водич за прва помош кој треба да го усвоите пред да се случи несреќа. Прв и најважен чекор е да го смирите детето за да не се исплаши и помисли дека сте му лути.
ШТО ДА СЕ НАПРАВИ КОГА ДЕТЕТО ИМА СТРАНО ТЕЛО ВО НОСОТ?
- Замолете го нежно да го издува носот (ако е доволно возрасно за да разбере)
- Ако ова не успее, кажете му да дише преку устата и одете на лекар или болница
- Не се обидувајте сами да го извадите страното тело бидејќи ненамерно може да го турнете уште подлабоко!
