Истражувањата покажуваат дека девет од 10 трудници добиваат стрии во бременоста и тоа обично во 6. или 7. месец од бременоста, а ако имате еден од следниве четири ризик фактори, може да очекувате дека и вие ќе бидете една од нив.
- ВОЗРАСТ
Има многу медицински аргументи кои одат во прилог на бременоста во раната возрасна доба, но избегнувањето на стрии не е еден од нив. Младата кожа е како ново ластиче – цврсто и напнато, па ако премногу се растгне, под притисок, може да пукне. Како кожата старее, природно почнува да ја губи цврстината, така што не се растегнува толку, како што расте телото.
- ГЕНЕТИКА
Генетиката игра важна улога во многу нешта, а ни појавата на стрии не е исклучок. Ако вашата мајка добила стрии за време на бременоста, причина за тоа може да бил недостатокот на еластин – сврзно ткиво кое спречува пукање на кожата. Во тој случај, поголеми се шансите и вие да имате сличен квалитет на кожата и може да имате слични последици на растегнување на кожата во бременоста.
- ВИШОК КИЛОГРАМИ
Стриите се појавуваат кога кожата не може да оди во чекор со брзото ширење на телото. Постепеното добивање на тежина за време на бременоста, можеби е единствената работа на која може да влијаете кога е во прашање превенцијата на стрии. Исто така, можете да внимавате да не добиете над препорачаните максимални 16 килограми, ако пред брееноста сте имале нормална тежина.
- ПУБЕРТЕТ
Хормоналните промени може да придонесат за чувствителност на кожата и да ја направат поподложна на пукање. Ако тинејџерските години оставиле трага на вашите колкови, стомак, гради или задник, во иднина може тоа да се повтори.
