Голем број родители знаат како завршува обидот да го убедат детето трет ден по ред да не ја облекува истата облека, која често е во некоја интензивна боја. Меѓутоа, дали некогаш сте размислиле за тоа што таа омилена боја навистина му значи на детето?
Маурен Хили, експерт за детски развој, објаснува зошто децата се толку врзани за одредена боја.
“Од моја преспектива, боите им се како храна. Од аспект на теоријата за бои, секое дете бара боја која емоционално му е потребна во тој момент и нема проблем ако детето се фати за одредена боја како своја омилена. Некогаш одредена боја ги прави да се чувствуваат подобро, ги смирува или опушта“, истакнува Хили.
Таа нагласува дека некои деца повеќе сакаат ладни бои, како сината, додека некои се врзуваат за потопли, како што се црвената и портокаловата. Тоа зависи од специфичните потреби на детето.
Омилените бои, вели Хили, се менуваат низ животот на возрасните. Тоа значи дека и детето може да ги менува своите избори. Еве што која боја претставува за децата во одредениот момент.
ЦРВЕНА
Децата кои сакаат црвена боја имаат многу силна волја. Тоа се оние деца кои мораат да исполнат она што го сакаат и кога сакаат, многу повеќе од останатите деца. Повеќето екстровертни деца ја сакаат оваа боја.
СИНА
Смирените луѓе обично се врзуваат за нијанси на сината. Боите на океанот и небото, поврзани се за спокојот и опуштеноста кај детето.
ЗЕЛЕНА
Нежните деца кои лесно се врзуваат за секого ја сакаат оваа боја. Љубителите на зелено обично бараат сигурност и многу се верни.
РОЗЕВА
Оваа боја ја обожаваат деца кои се молчаливи и кои сакаат игра. Тие би сакале да играат повеќе од било што друго. Овие особини се јавуваат ии кај возрасни кои ја сакаат розевата боја.
ВИОЛЕТОВА
Љубителите на оваа боја се повеќе наклонети кон уметноста од останатите врсници. Често размислуваат надвор од рамките како би ја искажале својата креативност.
ЖОЛТА
Оваа боја е во релација со размислувањето. Оние кои сакаат жолта боја се добри во планирањето и поставувањето стратегија, макар тоа и да значи едноставно организирање на играчките.
ПОРТОКАЛОВА
Друштвените дева сигурно сакаат портокалова боја. Обожаваат да бидат во центарот на вниманието, а ако тоа им остане омилена боја, немојте да се зачудите ако завршат на даските што живот значат.
ЦРНА
Децата може да ја сакаат и оваа боја. Додека некои експери велат дека тоа се променливи личности, други зборуваат дека црната боја е врзана за софистицирани и почувствителни лица.
