Новото истражување на двомесечни бебиња покажува дека нивниот мозок е далеку поразвиен отколку што се мислело претходно, со способност да прави разлика помеѓу живи суштества и неживи предмети. Овие наоди потекнуваат од истражувачи од Тринити колеџот во Даблин, чија студија ги анализирала fMRI сликите од мозоците на повеќе од 130 бебиња.
fMRI снимањето (функционална магнетна резонанца) е техника која ги мери промените во нивото на кислород во крвта, овозможувајќи им на истражувачите да видат како нашиот мозок реагира на различни визуелни стимули.
Студијата, објавена во понеделникот во списанието Nature Neuroscience, може да им помогне на научниците и лекарите подобро да го разберат когнитивниот развој во текот на детството, како и тоа како се развиваат менталните здравствени состојби подоцна во животот.
Како е спроведена студијата?
Истражувањето вклучувало двомесечни бебиња кои биле подложени на скенирање на мозокот додека биле будни. Бебињата биле поставени во вреќи за седење (bean bag), со слушалки за заштита од бучава на ушите, и гледале слики од десетина категории кои вообичаено се среќаваат во првата година од животот. Овие слики вклучувале фотографии од мачки, птици, гумени патки, колички за пазарење и дрвја.
„Кога гледате во мачка, вашиот мозок може да се активира на одреден начин што можеме да го снимиме со fMRI апаратот, и тоа е препознатлив модел (потпис) за мачката. Потоа, ако ви покажам нешто сосема поинакво, како нежив предмет, на пример дрво, вашиот модел на одговор би можел да биде сосема поинаков“, објаснува главниот автор Клиона О’Доерти.
„Доенчињата знаат многу повеќе отколку што мислевме и нивните мозоци го процесираат светот околу нив на исклучително сложени начини. Тие не лежат само пасивно, чекајќи самите да почнат да се движат и да зборуваат. Постои многу сложен когнитивен развој што се случува во првата година од животот. Сега, со овој тип на метод, навистина можеме да почнеме да го мериме тоа“, вели главниот автор Клиона О’Доерти
„Кај возрасните знаеме дека ова е многу сигурно и доследно, и можеме да добиеме посебни одговори за нешта како што се категории или живи и неживи објекти. Но, сè уште не знаевме дали ова е точно и кај доенчињата. Токму тоа го баравме кај нив“, додаде таа.
Во студијата, многу од бебињата се вратиле и на деветмесечна возраст, а истражувачите успешно собрале податоци од 66 од нив. Кај деветмесечните бебиња, мозокот можел посилно да ги разликува живите суштества од неживите предмети отколку кај двомесечните, вели О’Доерти.
Зошто е значајна оваа студија?
Студијата покажува дека мозоците на доенчињата го процесираат светот на начини кои се многу посложени отколку што претходно се претпоставуваше.
„Доенчињата знаат многу повеќе отколку што мислевме, и нивните мозоци го процесираат светот околу нив на исклучително сложени начини. Тие не лежат само пасивно, чекајќи самите да почнат да се движат и да зборуваат. Постои многу сложен когнитивен развој што се случува во првата година од животот. Сега, со овој тип на метод, навистина можеме да почнеме да го мериме тоа“, вели О’Доерти.
Студијата покажува дека мозоците на доенчињата го процесираат светот на начини кои се многу посложени отколку што претходно се претпоставуваше
Густаво Судре, професор по геномски невроимиџинг и вештачка интелигенција на Кингс колеџот во Лондон, рече дека наодите би можеле да имаат импликации врз разбирањето на менталното здравје и невроразвојните нарушувања подоцна во животот.
„Да се види дека тие ги формираат овие претстави во нивниот мозок многу порано отколку што мислевме — и затоа што тие не го изразуваат тоа преку однесувањето — можеме да видиме дека мозокот веќе има претстава која не е изразена во нивните однесувања“, објаснува тој.
„Тоа ни е многу интересно конкретно кога почнуваме да зборуваме за ментални здравствени нарушувања, бидејќи многупати дијагностицираме одредено нарушување врз основа на однесувањето, а она што го предизвикува тоа во мозокот можеби е присутно многу, многу порано,“ додава проф. Судре. (Euronews)
