Крис Грејли е 29-годишен Британец, кој до неодамна не верувал дека постои вистинска закана по здравјето поради коронавирусот, особено за некој кој е млад и здрав како него. За жал, неговото мислење сега драстично се променило, откако завршил на интензивна нега во болница, пренесува „Manchester Evening News“.
„Мислев дека сум непобедлив и дека се плашат само хипохондриците, но сега сум во таква состојба што сум врзан за кревет и се плашам за својот живот“, раскажал Крис.
Во својата видео порака, тој сака да ги предупреди младите луѓе да не бидат глупави како него, затоа што Крис бил меѓу првите кој велел дека коронавирус е „измислен“.
„Се заразив додека бев на Канарските острови, каде што не носев маска, мислејќи дека вирусот е измислица и претерување. Навистина ја платив цената за сопствената глупост“, признава тој, велејќи дека нема здравствени проблеми што би го сврстиле во ризичните групи, но сепак, болеста навистина земала замав.
Бидете поодговорни од мене, носете маска и бидете свесни за ситуацијата во која се наоѓаме. Игнорирањето на здравствената закана навистина не е паметно, како што можете да видите во мојот случај
„Првите симптоми ги почувствував веќе на одморот, го изгубив сетилото за мирис и вкус и ненормално се потев. Но, состојбата се влоши кога се вратив дома“, раскажа тој од болничкиот кревет.
Потоа му била потврдена дијагнозата на COVID-19 и акутна пневмонија. Итно бил пренесен во болница откако неговата состојба се влошила.
„Се чувствувам како зомби“
„Сега добивам четири различни видови на антибиотици, стероиди, кислород преку маска 24 часа на ден и рацете ми се полни со игли“, откри тој.
„Очигледно е дека нема правила или барем не може да се смета на нив, затоа бидете поодговорни од мене, носете маска и бидете свесни за ситуацијата во која се наоѓаме. Игнорирањето на здравствената закана навистина не е паметно, како што можете да видите во мојот случај“, истакнал тој.
Ако се уште не верувате дека короната постои – погледнете ме мене и замислете дека можете да бидете вие, вели Крис Гејли од болничкиот кревет на интензивна нега во Ватфорд.
