Под мотото „Здравје на бубрезите за сите – Подготовка за неочекуваното, поддршка на ранливите!“, денеска (9 март) се одбележува Светскиот ден на бубрегот, глобална кампања која ја подигнува свеста за важноста на бубрезите за целокупното здравје и промовира форми на превенција, рано откривање и лекување на бубрежни заболувања со цел да се намали нивната зачестеност и компликации.
Се проценува дека хронична бубрежна болест се јавува кај 1 од 10 возрасни ширум светот. Раното откривање овозможува навремено лекување на болеста и го намалува и спречува морбидитетот и морталитетот.
Водечки причини за бубрежни заболувања се дијабетесот и високиот крвен притисок, а зголемувањето на хроничните бубрежни заболувања кај населението може да се објасни со стареење на населението, зголемувањето на дијабетесот, нерегулираната хипертензија и дебелината, прекумерното и неконтролирано трошење на нестероидни антиинфламаторни лекови и изложеност на различни отрови од околината.
Се проценува дека хронична бубрежна болест се јавува кај 1 од 10 возрасни ширум светот. Раното откривање овозможува навремено лекување на болеста и го намалува и спречува морбидитетот и морталитетот
Луѓето со хипертензија, дијабетес, кардиоваскуларни заболувања и семејна историја на хронични бубрежни заболувања се изложени на поголем ризик од развој на хронична бубрежна болест, па затоа е важно редовно да се проверуваат кај лекарите, да ја земаат терапијата како што е договорено со лекарот и да се придржуваат до препорачаните животни навики за да го одржат нивото на шеќер во крвта и нивото на артерискиот притисок во рамките на посакуваните вредности и на тој начин да ја одложат или спречат појавата на хронична бубрежна болест.
ЗДРАВЈЕ НА БУБРЕЗИТЕ ЗА СИТЕ
Подготовка за неочекуваното, поддршка за ранливите
Разорните настани, локални (земјотрес, поплави, војна, екстремни временски услови) или глобални (пандемијата Ковид-19), влијаат на функционирањето и животните услови на заедницата како целина, неизбежно доведувајќи до една или повеќе последици за луѓето, материјално, економијата и животната средина, како и на загуби во споменатите области. Овие нарушувања особено ги погодуваат оние кои страдаат од хронични заболувања, бидејќи можноста да се пристапи до соодветни дијагностички услуги, третман и нега во голема мера се загрозени. Меѓу нив се и бубрежно болни, чија бројка изнесува повеќе од 850 милиони ширум светот.
Познато е дека незаразните болести, кои вклучуваат кардиоваскуларни болести, дијабетес, рак, висок крвен притисок, хронична белодробна болест и хронични бубрежни болести (ХББ), се водечки причини за смрт и инвалидитет ширум светот, особено значајни во земјите со низок и среден приход приход. Во итни случаи оваа група е меѓу најзагрозените во населението поради постојаните барања за конзистентна координирана нега – нега која често е доживотна и вклучува сложено континуирано лекување.
По повод одбележувањето на 9 Март – Светскиот ден на бубрегот 2023 се потенцира дека е итно потребна јавноздравствена политика која подобро ќе ги одразува можностите за превентивни стратегии и важноста на значењето на самата бубрежна болест како и нејзините синергистички односи во контекст на вкупниот товар на незаразните болести.
- Затоа, подготовката за неочекувани настани е неверојатно важна за бубрежните пациенти.
- Креаторите на политиките мора да усвојат интегрирани здравствени стратегии кои даваат приоритет на превенцијата, раното откривање и менаџирање на незаразните болести, вклучително и бубрежна болест.
- Здравствените услуги треба да обезбедат фер и правилен пристап до нега за хронични пациенти во итни ситуации.
- Владите во управувањето и откривањето на незаразните болести би требало да вклучат планови за подготвеност за итни состојби и да ја фаворизираат превенцијата на овие состојби.
- Пациентите треба да планираат итни состојби така што ќе подготват опрема за итни состојби која вклучува храна, вода, медицински материјали и медицинска документација.
