Овогодинешниот Светски ден на хуманитарноста (19 август) им оддава признание на здравствените работници во првите редови – хероите од реалниот живот – вклучувајќи доктори и медицински сестри, акушерки и волонтери во заедницата, и сите оние кои ги ризикуваат своите животи за да се осигурат дека секој од нас има пристап до здравствени услуги, тестирање и лекување, заштитна опрема и лекови, особено за време на пандемијата со COVID-19 и други итни ситуации.
Во 2009 година, Генералното собрание на Обединетите нации го официјализираше денот како Светски ден на хуманитарноста
Тоа се луѓе што можеби ги познавате од вашето соседство или град, кои неуморно работат на теренот за да им обезбедат вакцини на децата, да го надгледуваат здравјето на старите лица, да им помогнат на мајките да ги донесат своите бебињата безбедно на свет, да водат активности за следење на контактите и активности врзани со надзор и да обезбедат психо-социјална поддршка во време на конфликт, пандемија и природни катастрофи.
Тие се нашите херои во реалниот живот.
Овој ден е во знак на сеќавање на бомбашкиот напад на 19 август 2003 година во Багдад, Ирак, при што загинаа 22 лица, меѓу кои и главниот хуманитарец во Ирак, Серџио Виера де Мело. Во 2009 година, Генералното собрание на Обединетите нации го официјализираше денот како Светски ден на хуманитарноста.
