Дунстан baby language е метода која ја развила Присила Дунстан, мајка од Австралија, според која можете да разликувате пет различни гласови кои ги проиведува бебето пред да се расплаче, а кога ќе го научите значењето, ќе разберете што му треба на бебето.
Иако не зборуваат, тие комуницираат со плачење, кое, кога ќе се родат, им е единствен начин за искажување незадоволство. Австралијката Присила Дунстан, развила метода со помош на која секоја мајка може да разбере што нејзиното новороденче зборува. Таа тврди дека пред да се расплачат, бебињата произведуваат неколку звуци, а тој “говор“ го нарекла звучен рефлекс. Овие звуци ги произведуваат сите бебиња.
Метода важи за бебиња од раѓање до третиот месец, оти по таа возраст, звукот што го произведуваат се менува и почнуваат да гугаат.
НЕХ – Гладно сум
Овој збор звучи како НЕ, а најмногу доаѓа до израз буквата Н, а така бебето сака да ви даде до знаење дека е гладно.
ОООХ – Поспано сум
Овој звук доаѓа од рефлексот на зевање, а кога бебето ќе ги испушти, устата и поприма овална форма, Бебето тогап сака да каже дека е уморно.
ХЕХ – Се чувствува нелагодно
Бебето го кажува овој звук, со нагласок на буквата Х, кога е во нелагодна положба или кога треба да мус е смени пелена.
ЕАААР или ЕААА – Имам гасови
Ова е малку потешко да се открие, но најмногу до израз доаѓа повторувањето на буквата А. Кога бебето има гасови или го боли стомаче, има и одреден израз на лицето кој го следи овој звук.
ЕХ, ЕХ, ЕХ – Сакам да подригнам
Овој збор е многу краток и се повторува неколку пати, а бебето вели дека сака да подригне.
