Што би рекле ако некој ви каже дека ракот на кожата може да се излечи со користење на сапун? Прекрасна вест, зарем не? Петнаесетгодишниот Хеман Бекеле е на пат кон таа реалност. Тој развил сапун кој еден ден може да лекува и спречи повеќе форми на рак на кожата.
Хеман Бекеле, 15-годишен тинејџер, роден во Етиопија, се најде на насловна страница на магазинот „Тајм“, кој го прогласи за „Дете на годината 2024“, благодарение на неговото откритие – сапун кој може да помогне во превенција и третман на рак на кожата.
Бекеле е роден во Етиопија, каде што како мал сведочел на штетите кои сонцето ги предизвикува врз кожата на луѓето кои работат на отворено. Семејството на Хеман дошло во САД од Етиопија кога тој имал четири години. Хеман се сеќава дека видел луѓе кои работат надвор на сонце без да ја заштитат својата кожа, а од неговите родители дознал за опасностите од ракот и колку е важно луѓето да ја заштитат кожата од сонцето. Ракот на кожата често може да се излечи, но третманот е исклучително скап.
Така, по преселбата во САД, започнал да се интересира за науката и на рана возраст почнал да експериментира со хемиски супстанции. Отсекогаш бил љубопитен и експериментирал мешајќи различни течности заедно. Кога имал 7 години, добил хемиски сет на подарок и за малку ќе направел пожар. Како што растел, така почнал да се прашува дали неговата љубопитност навистина може да помогне да се направи разлика.
Со тек на време, Бекеле дознал за лекот имиквимод, кој се користи за третман на рак на кожата, и решил да го направи достапен преку сапун кој би бил евтин и лесно достапен. Неговиот сапун содржи липидни наночестички кои му помагаат на лекот да остане на кожата и по миењето. Овој иновативен продукт му ја донесе и титулата „Најдобар млад научник во Америка“ на натпреварот на 3M во 2023 година, како и парична награда од 25.000 долари.
Достигнувањата на Хеман на толку млада возраст се пример за неговото верување дека иновативноста и креативноста се безгранични. Неговата порака до идните иноватори е: „Само продолжете да иновирате. Продолжете да размислувате за нови начини да го подобрите нашиот свет и да продолжите да го правите подобро место“
Бекеле е роден во Етиопија, каде што како мал сведочел на штетите кои сонцето ги предизвикува врз кожата на луѓето кои работат на отворено. Семејството на Хеман дошло во САД од Етиопија кога тој имал четири години. Хеман се сеќава дека видел луѓе кои работат надвор на сонце без да ја заштитат својата кожа, а од неговите родители дознал за опасностите од ракот и колку е важно луѓето да ја заштитат кожата од сонцето. Ракот на кожата често може да се излечи, но третманот е исклучително скап
Кој е всушност Хеман Бекеле?
Хеман Бекеле не е типичен тинејџер. Наместо да го поминува слободното време играјќи видеоигри или зјапајќи во својот телефон, овој тинејџер од Ферфакс, Вирџинија, им се јавувал на професорите и правел експерименти, се со цел да измисли производ за кој се надева дека може да помогне да се промени светот.
Тој е многу зафатен средношколец, кој го дели времето помеѓу лабораторијата и училиштето. Свири на флејта и на тромбон во неговото училиште, а надвор од училиште, ужива да игра кошарка, да чита и да игра шах.
Заслугата за својот успех ја припишува на своето семејство, особено на неговите родители, за поставување на сцената за неговите достигнувања. Неговата мајка Мулуембет е учителка, неговиот татко Вондвосен е специјалист за човечки ресурси во Агенцијата за меѓународен развој на САД. Примерот на нивното жртвување, доаѓањето во непозната земја во служба на образованието на нивните деца, го надополни со љубов кон учењето и посветеност да го следи неверојатното – па дури и навидум невозможното.
Хеман вели дека чувствува огромна страст за истражувањето на ракот на кожата. „Апсолутно е неверојатно да се помисли дека еден ден мојот сапун ќе може да има директно влијание врз животот на некој друг“, изјави тој за „Тајм“. „Тоа е причината поради која го започнав сето ова на прво место“.
Хеман Бекеле не е типичен тинејџер. Наместо да го поминува слободното време играјќи видеоигри или зјапајќи во својот телефон, овој тинејџер од Ферфакс, Вирџинија, им се јавувал на професорите и правел експерименти, се со цел да измисли производ за кој се надева дека може да помогне да се промени светот
Пронаоѓањето сапун кој еден ден би можел да лекува, па дури и да спречи повеќе форми на рак на кожата – можеби ќе бидат потребни години пред да излезе таков производ на пазарот, но Хеман моментално соработува со Вито Ребека, молекуларен биолог од Школата за јавно здравје „Џон Хопкинс Блумберг“, за да го развие својот сапун за борба против ракот на кожата. Партнерството му овозможува на Хеман да спроведе истражување во професионална лабораторија, работејќи на експерименти со глувци за да ја тестира ефикасноста на неговиот изум, надевајќи се дека ќе го оствари својот сон“.
Хеман добро знае дека ќе треба долго време и многу труд за да го развие својот сапун. Ќе треба целосно да го тестира и да добие одобрение. Но, тој е возбуден за работата и ги охрабрува другите млади луѓе да размислуваат за начини на кои можат да придонесат. Достигнувањата на Хеман на толку млада возраст се пример за неговото верување дека иновативноста и креативноста се безгранични. Неговата порака до идните иноватори е: „Само продолжете да иновирате. Продолжете да размислувате за нови начини да го подобрите нашиот свет и да продолжите да го правите подобро место“, вели младиот научник.
